medium

large

thumbnail

1536x1536

small

custom-size

Bæjarstjórn samþykkti nýtt skipulag vegna Garðabrautar 1

2048x2048

Landbúnaðarstefna í fyrsta sinn á Íslandi

Mótmæla harðlega tillögum að breytingum á regluverki Jöfnunarsjóðs

Erpsstaðahjón hljóta landbúnaðarverðlaunin 2023

„Orðsporið er fjöregg landbúnaðarins“

Eva Björg fékk hljóðbókaverðlaun fyrir bestu glæpasöguna

core/paragraph

Snæfell og Stjarnan áttust við í 1. deild kvenna í körfuknattleik í gærkvöldi og var leikurinn í Stykkishólmi. Snæfell gat með sigri jafnað Stjörnuna að stigum í deildinni og því var mikið undir fyrir heimakonur í þessum leik. Þetta var annar leikur liðanna á stuttum tíma því um miðja síðustu viku bar Snæfell sigurorð af liði Stjörnunnar. Leikurinn var í jafnvægi fyrstu mínúturnar en í stöðunni 6:6 skoruðu gestirnir átta stig í röð og komu sér í góða stöðu, 6:14. Snæfell náði síðan að minnka muninn í fjögur stig skömmu fyrir lok fyrsta leikhluta en Stjarnan átti síðasta orðið, staðan 15:22 fyrir Stjörnunni. Í öðrum leikhluta byrjaði Stjarnan betur og náði níu stiga forskoti, 19:28, en Snæfellskonur komu til baka og munurinn á liðunum var aðeins tvö stig þegar rúmar þrjár mínútur voru til hálfleiks, 28:30. Adda Sigríður Ásmundsdóttir jafnaði metin fyrir Snæfell skömmu síðar en Riley Popplewell sá til þess að Stjarnan var með fjögurra stiga forskot þegar flautað var til hálfleiks, 32:36.

Stjarnan var með frumkvæðið og forystuna fram í miðjan þriðja leikhluta og illa gekk hjá Snæfelli að komast yfir í leiknum hvað sem þær reyndu. Það gekk þó loksins þegar tæpar tvær mínútur voru eftir er Cheah Rael Whitsitt kom þeim yfir með tveggja stiga skoti, staðan 51:49. Þegar heyrðist í bjöllunni var Stjarnan einu stigi yfir, 54:55, og útlit fyrir hörkuspennandi síðasta fjórðung. Það varð raunin þó Stjarnan væri alltaf skrefinu á undan og yfirleitt með forystu yfir fimm stigunum. Á síðustu mínútu leiksins náði Cheah að minnka muninn í þrjú stig en nær komst Snæfell ekki. Riley hitti úr öðru víti sínu fyrir Stjörnuna á lokasekúndunum áður en Preslava Koleva hitti ekki úr þriggja stiga skoti sem hefði þó ekki dugað til, lokatölur svekkjandi tap Snæfells, 71:75 fyrir Stjörnunni.

Stigahæst hjá Snæfelli var Cheah Rael Whitsitt með 24 stig og 23 fráköst, Preslava Koleva var með 21 stig og Rebekka Rán Karlsdóttir með 12 stig. Hjá Stjörnunni var Riley Popplewell með 31 stig og 16 fráköst, Kolbrún María Ármannsdóttir með 13 stig og Diljá Ögn Lárusdóttir með 12 stig.

Næsti leikur Snæfells er á móti Breiðablik b í Smáranum í Kópavogi miðvikudaginn 8. febrúar og hefst klukkan 19.15.

Fréttaveita Vesturlands

Snæfell tapaði fyrir Stjörnunni í toppslag