medium

large

thumbnail

1536x1536

2048x2048

small

custom-size

Skagakonur unnu ótrúlegan sigur í Mjólkurbikarnum

ÞB Borg reisir glæsihýsi í Stykkishólmi

Skrifað undir við skátana í Dalabyggð

Fyrirhugaðir búferlaflutningar kannaðir á Vesturlandi

Skallagrímur úr leik eftir tap gegn Þór

Stefán Bjarki Akranesmeistari í pílu 2024

core/paragraph

Þær Lilja Magnúsdóttir og Signý Gunnarsdóttir eiga og reka gistiheimilið og kaffihúsið Græna kompaníið í Grundarfirði. Græna kompaníið er lítið og notalegt kaffihús, bókabúð og hannyrðaverslun á neðri hæðinni en á efri hæðinni eru svo gistirými til útleigu. Þær Lilja og Signý voru búnar að ganga með þá hugmynd í maganum að fá rithöfunda til að koma í heimsókn og spjalla við gesti.

„Hugmyndin af þessum rithöfundakvöldum er frekar gömul. Stundum þegar bækur eru áhugaverðar, þá situr maður eftir með ótal spurningar sem maður myndi svo gjarnan vilja spyrja höfundana,“ segir Lilja í smá spjalli við fréttaritara. Og þannig var einmitt staðan hjá Lilju þegar hún var búin að lesa bækur Hallgríms Helgasonar. „Við Signý ræddum þetta og þar sem við rekum ferðamannagistingu í sama húsi ákváðum við að láta reyna á þetta og bjóða þá höfundum upp á að koma í heimókn og gista.“ Það lá því beinast við að hafa samband við Hallgrím Helgason sem reið á vaðið á fyrsta rithöfundakvöldinu í október síðastliðnum. „Formið er þannig að við setjum upp létt kvöldverðarboð með rithöfundinum. Þar sem að kaffihúsið er ekki stórt er fjöldi þátttakenda takmarkaður. Þar af leiðandi verður þetta meira á persónulegum nótum. Í stað þess að sitja og hlusta á rithöfundinn lesa upp úr bók eða fara með fyrirlestur þá er þetta meira eins og kvöldverðarboð þar sem þátttakendur geta tekið þátt í umræðum með því að spjalla og spyrja höfunda. Svo á einhverjum tímapunkti les höfundurinn upp úr vel valinni bók fyrir gesti. Það er ekki skilyrði að hafa lesið stafkrók eftir höfundinn og þeir sem hafa komið hafa haft orð á því hvað það sé gagnlegt að hitta fólk sem ekki hefur kynnt sér skrif viðkomandi,“ segir Lilja. „Í stað þess að hitta fyrir fólk sem þekkir bækurnar í þaula er líka gaman að reyna að fá hina til að langa að lesa, auka við markhópinn,“ bætir hún við.

Uppselt var á rithöfundakvöldið með Hallgrími Helgasyni og í nóvember kom Gerður Kristný Guðjónsdóttir í heimsókn. „Það var allt önnur upplifun þegar Gerður Kristný kom og svo kom Einar Kárason og það var allt öðruvísi en hin tvö kvöldin,“ segir Lilja. „Við vitum því eiginlega ekki hvernig matarboðið þróast en getum samt sem áður lofað skemmtilegri upplifun,“ bætur hún við og hlær. Allir þessir viðburðir tókust afar vel en laugardagskvöldið 28. janúar síðastliðið kom Einar Kárason í heimsókn og fékk fréttaritari sæti á þeim viðburði. Kvöldið var mjög skemmtilegt og maturinn góður þannig að óhætt er að mæla með þessu frábæra framtaki.

„Við erum ekki alveg búnar að festa niður rithöfundafund í febrúar en hins vegar koma Sigríður Hagalín Björnsdóttir og Jón Kalman Stefánsson í lok mars. Við fáum líka óskir frá fólki um að það væri nú gaman að fara út að borða með þessum eða hinum rithöfundi,“ bætur hún við. „Allir þeir viðburðir sem hafa verið haldnir hafa dregist á langinn og urðu miklu lengri en gert var ráð fyrir sem er auðvitað bara frábært og segir okkur Signýju að fólk er að njóta,“ segir Lilja. Þær stöllur vilja árétta að ekki er ætlast til þess að fólk sé búið að lesa bækur viðkomandi höfunda og ekki skipti máli hvort það taki þátt í umræðum eða sitji bara og hlusti. „Við Signý erum mjög stoltar af þessu litla menningarframtaki okkar og viljum auðvitað fá sem flesta rithöfunda í mat en að sjálfsögðu komum við til með að spila það eftir áhuga fólks fyrir að mæta,“ segir Lilja Magnúsdóttir að lokum.

Fréttaveita Vesturlands

Rithöfundakvöld á Græna kompaníinu slá í gegn