medium

large

thumbnail

1536x1536

2048x2048

small

custom-size

Málin rædd á skólafundi

Framboðsfundur í beinni hér í kvöld kl. 18:10

Amma Andrea og Flotinn hlutu viðurkenningu Barnaheilla

Fjórða tap Snæfells í röð kom á móti Fjölni

Mikil eftirspurn eftir greiðslumarki í sauðfé

Allnokkrir ökumenn í símanum við aksturinn

core/paragraph

Í tilkynningu frá bifreiðaverkstæðinu Bílabæ við Brákarbraut 5 í Borgarnesi kemur fram að frá og með þessum mánaðamótum verði verkstæðinu lokað að minnsta kosti um tíma. Eingöngu verði um þjónustu dráttarbíls og bifreiðaflutninga að ræða og þakkar Hálfdán Þórisson eigandi Bílabæjar viðskiptavinum sínum traustið undangengin 16 ár. Skessuhorn heyrði í Hálfdáni og segir hann að ástæðan fyrir lokuninni sé sú að hann sé að verða án mannskapar nú á vordögum og hann sé búinn að upplifa það áður að vera einn á verkstæðinu og það sé ekki hægt. „Ég hafði áætlað að vera með rekstur fram til sumarsins 2024 en svo breyttist það skyndilega núna fyrir stuttu síðan. Einn samstarfsmaður minn sem ég vonaði að yrði áfram hjá mér hætti við og ætlar að flytja erlendis. Þá féll þetta eiginlega um sjálft sig.“

Ætlar að gera klárt fyrir sumarið Hálfdán segir að það sé afar erfitt að fá menn í þetta starf og eiginlega alveg ómögulegt. „Við vorum fjórir hérna á verkstæðinu fram að jólum, erum þrír núna, verðum tveir nú eftir mánaðamótin og svo verð ég einn í byrjun maí. Ég ætla samt að loka verkstæðinu nú um mánaðamótin því ég er í bílaflutningum einnig og ætla að nota þennan tíma á meðan við erum tveir og sinna því og gera klárt fyrir sumarið. Ég er með tvo dráttarbíla, einn minni og annan stærri með krana sem ég nota í vinnu fyrir tryggingafélögin og slíkt og það dugar mér alveg þegar ég er orðinn einn.“

Hálfdán opnaði Bílabæ í apríl 2007 og segir hann að reksturinn hafi gengið alveg ágætlega síðustu tvö til þrjú ár en svona fram að því hafi þetta verið frekar erfiður rekstur. „Þetta byggist á því að síðasta vetur vorum við fjórir bifvélavirkjar að vinna hérna og það er langbesti tíminn sem ég hef upplifað síðan ég byrjaði í þessum bransa. Það er svo mikill munur að hafa vana menn. Ef ég er einn og tek lærling með mér þá fer helmingurinn af tíma mínum í að sinna og kenna honum sem þýðir að ég skila litlu í minni vinnu.“

Býst við að vera næstu árin í bílabransanum Varðandi framhaldið hjá sér segir Hálfdán að hann ætli að vera næstu ár í bílaflutningunum þangað til honum kannski detti í hug að hætta, selja og gefast upp endanlega, segir hann og hlær. Húsnæðið sem Bílabær er í og Hálfdán er eigandi að nýtist honum áfram því hann þurfi af og til að setja tjónaða bíla inn á verkstæðið til geymslu.

Spurður að lokum hvort hann hafi fengið einhver viðbrögð við þessari færslu á Facebook segir hann að þau hafi verið talsverð. „Fólk er alls ekki ánægt með þetta en það er ekkert við þessu að gera. Þetta er ekkert sem mann langar endilega til að gera en stundum er þetta bara svona og maður verður að lifa með því.“

Fréttaveita Vesturlands

Bílabæ lokað í Borgarnesi