Á fundi bæjarráðs Akraneskaupstaðar síðasta föstudag lýsti bæjarráð þeim vilja að húsið Vesturgata 62, gamla íþróttahúsið, verði selt á almennum markaði en með tilteknum kvöðum sem meðal annars varða tímalínu endurbóta, rif á viðbyggingu og hugmynda um fyrirhuguða notkun á húsinu. Afla þarf heimildar frá framkvæmdasýslu ríkisins vegna þessa en stofnunin fer með eignarhluta ríkisins í húsinu. Bæjarstjóra var falin frekari úrvinnsla málsins.

Þá var einnig tekin ákvörðun með húsið Suðurgötu 57, gamla Landsbankahúsið, en þar lýsti bæjarráð þeim vilja að húsið verði selt á almennum markaði en samkvæmt fyrirkomulagi þar sem veitt verði tiltekið svigrúm til mats á tilboðum, út frá hugmyndum um endurbætur og framtíðarnotkun, þ.m.t. stækkunarmöguleikum, fjárhagslegri getu (vilyrði eða bindandi loforð um fjármögnun) og öðrum þáttum. Gert er ráð fyrir ítarlegri kynningu á valforsendum í aðdraganda formlegs tilboðsferlis. Bæjarstjóra var einnig falin frekari úrvinnsla í þessu máli.

Vilja að Vesturgata 62 og Suðurgata 57 verði seld