medium

large

thumbnail

1536x1536

small

custom-size

Skallagrímur úr leik eftir tap gegn Þór

Stefán Bjarki Akranesmeistari í pílu 2024

2048x2048

Vegaskemmdir eftir asahláku á laugardaginn

Fengu gull á vorbikarmótaröð í hnefaleikum

Lúðrasveit lék fyrir Borgnesinga

Skagamenn í öðru sæti eftir stórsigur á Fylki

core/paragraph

ÍA og Álftanes áttust við í 1. deild karla í körfuknattleik á föstudagskvöldið og var viðureignin í íþróttahúsinu við Vesturgötu á Akranesi. Skagamenn höfðu tapað síðustu fimm leikjum sínum í deildinni á meðan Álftanes hafði unnið síðustu þrjá og sat á toppi deildarinnar. ÍA byrjaði ágætlega í leiknum, komst í 8:2 en um miðjan fyrsta leikhluta í stöðunni 12:8 fyrir ÍA skoruðu gestirnir 15 stig í röð og breyttu stöðunni í 12:23 áður en ÍA skoraði loks stig á lokamínútunni, staðan 14:23. Álftanes gekk á lagið í öðrum leikhluta og var komið með 20 stiga forystu eftir sex mínútna leik. Á þessum tíma hittu Skagamenn ekki neitt, misstu boltann frá sér og voru ekki alveg með sjálfstraustið í lagi. Þegar flautað var til hálfleiks var staðan 29:50 fyrir gestunum og ljóst að heimamenn þurftu að taka á honum stóra sínum ef þeir ætluðu að fá eitthvað út úr leiknum.

ÍA kom aðeins til baka í þriðja leikhluta og vann hann með fimm stigum, 18:13, sem hafði þó lítið að segja þar sem forysta gestanna var einfaldlega of mikil. Staðan var 47:63 Álftanesi í vil þegar fjórði leikhluti hófst og heimamenn voru aldrei líklegir á neinum tímapunkti að koma sér inn í leikinn. Álftanes sigldi sigrinum auðveldlega í höfn og vann að lokum þægilegan sigur, lokatölur 63:82 fyrir Álftanesi.

Þórður Freyr Jónsson og Jalen Dupree skoruðu 16 stig hvor fyrir ÍA auk þess sem Dupree var með 11 fráköst og þá var Lucien Christofis með 10 stig. Hjá Álftanesi var Cedrick Bowen með 37 stig, Eysteinn Bjarni Ævarsson með 14 stig og Dúi Þór Jónsson með 11 stig og 11 stoðsendingar.

Næsti leikur ÍA er á móti Skallagrími á föstudaginn í Borgarnesi og hefst klukkan 19.15.

Fréttaveita Vesturlands

Skagamenn áttu enga möguleika á móti Álftanesi