medium

large

thumbnail

1536x1536

small

custom-size

Skallagrímur tapaði naumlega fyrir Þór

2048x2048

Grímutölt Borgfirðings fór fram á laugardaginn

Viktor með þrennu í stórsigri Skagamanna

Nýtt póstbox tekið í notkun í Búðardal

Borgfirðingabók komin á Storytel

Hvalfjörður – efnaverksmiðja í bígerð

core/paragraph

Önnur viðureignin í átta liða úrslitum Krakkakviss var sýnd á Stöð 2 síðasta föstudagskvöld. Þar áttust við gömlu erkifjendurnir ÍA og KR og óhætt að segja að um spennandi viðureign hafi verið að ræða. Lið ÍA var skipað þeim Ólöfu Oddnýju Jansen og Pétri Steini Gunnarssyni sem eru í Grundaskóla og Aðalheiði Ísold Pálmadóttur úr Brekkubæjarskóla.

Keppnin er í fimm liðum og hófst með hraðaspurningum þar sem keppendur svöruðu spurningum á 60 sekúndum. Þar svöruðu bæði lið 13 spurningum rétt og því hnífjafnt með liðunum. Næst voru almennar spurningar þar sem KR-ingar byrjuðu betur og svöruðu fyrstu tveimur rétt. En þá hrukku Skagamenn í gang og svöruðu fjórum í röð hárrétt og höfðu forystu 21-17. Í Krakkaleikunum sem er látbragðsleikur eins og Actionary spilið fengu bæði lið fimm stig og ÍA því enn með gott forskot, 26-22.

Í næstsíðasta liðnum sem nefnist fimmfaldur var spurt um flytjendur og lönd í Eurovision frá árinu 2013 til 2022 og þar voru bæði lið með allt á hreinu, staðan 31-27 fyrir ÍA. Þá var komið að liðnum Þrjú hint sem eru tvær vísbendingaspurningar og þar gat ÍA tryggt sér sigur með því að svara annarri spurningunni rétt. KR minnkaði muninn í eitt stig, 30-31, með því að giska rétt á gælunafnið Dóra og síðasta spurningin var því úrslitaspurning um hvort liðið kæmist áfram. Þar voru Vesturbæingar sterkari þegar spurt var um efni sem var silfur og eru því komnir í undanúrslit en Skagamenn sitja eftir með sárt ennið þrátt fyrir frábæra frammistöðu.

ÍA tapaði fyrir KR í Krakkakvissi