medium

large

thumbnail

1536x1536

2048x2048

small

custom-size

Kvennatölt hestamannafélagsins Borgfirðings

Víkingurinn 2024 verður á Vesturlandi

Opnað fyrir umsóknir í fjárfestingastuðning í kornrækt

Snæfellsnes sigraði ÍBV í Akraneshöllinni

Grótta og ÍA skildu jöfn í Lengjubikarnum

Nota fæðingarorlofið til að yfirfara veiðarfærin

core/paragraph

Það er óhætt að segja að leikmenn Selfoss og Skallagríms hafi boðið upp á mikla spennu og dramatík í leik liðanna í 1. deild karla í körfuknattleik á föstudagskvöldið en leikurinn fór fram í Vallaskóla á Selfossi. Skallagrímsmenn byrjuðu af miklum krafti í leiknum, skoruðu fyrstu sjö stig leiksins og heimamenn komust ekki á blað fyrr en eftir tæpan fimm mínútna leik. Skallarnir höfðu áfram tagl og haldir fram að lokum fyrsta leikhluta og leiddu með tíu stigum, 13:23. Selfyssingar náðu smám saman vopnum sínum í öðrum leikhluta, þeir komust loks yfir eftir 18 mínútna leik og voru með eins stigs forskot í &nbsp;hálfleik, 43:42.

Selfoss hélt áfram frumkvæðinu í þriðja leikhluta en gekk lítið að hrista gestina af sér og var með sex stiga forskot fyrir fjórða og síðasta leikhluta, 68:62. Þegar tæpar fjórar mínútur voru liðnar af síðasta fjórðungi var forskot heimamanna orðið tólf stig og mikil stemning í stúkunni. En þá fóru Skallagrímsmenn aftur að finna fjölina, röðuðu niður þristum í hröðum sóknum og forskot heimamanna gufaði upp á þremur mínútum. Skallagrímur jafnaði metin 82:82 þegar tvær mínútur voru eftir en heimamenn svöruðu með þristi í næstu sókn. Davíð Guðmundsson var fljótur til svars og setti einnig niður þrist fyrir gestina þegar innan við mínúta var eftir. Selfoss jafnaði með körfu frá Gerald Robinson þegar tíu sekúndur lifðu leiks en það var Milorad Sedlarevic sem var hetja gestanna þegar hann tryggði þeim sigur með tveimur vítaskotum þegar fimm sekúndur voru eftir af leik. Selfoss fékk tækifæri til að tryggja sér sigurinn en slakt skot þeirra hitti ekki ofan í og lokatölur leiksins naumur en frábær sigur Skallagríms, 88:90.

Atkvæðamestur hjá Skallagrími var Keith Jordan Jr. með 33 stig og 13 fráköst, Milorad Sedlarevic var með 21 stig og Björgvin Hafþór Ríkharðsson með 10 stig. Hjá Selfossi var Arnaldur Grímsson með 21 stig og 10 fráköst, Birkir Hrafn Eyþórsson með 18 stig og Gerald Robinson með 17 stig.

Skallagrímur komst upp að hlið Selfoss með þessum sigri og eru þau með 16 stig í 4. og 5. sæti deildarinnar en vel fyrir ofan eru Álftanes, Hamar og Sindri í fyrstu þremur sætunum. Fimm lið eru í einum hnapp um keppnisrétt í úrslitakeppninni og þessi tvö sæti sem eftir eru en einnig eru lið Hrunamanna, Fjölnis og Ármanns í þessari baráttu.

Næsti leikur Skallagríms er gegn grönnum sínum af Skaganum næsta föstudag í Fjósinu í Borgarnesi og hefst klukkan 19.15.

Fréttaveita Vesturlands

Skallagrímur vann Selfoss í hörkuleik