medium

large

thumbnail

1536x1536

small

custom-size

Kálfafjós í byggingu á Litla Kroppi

Þema ljósmyndasamkeppni er gleði

2048x2048

Bæjarsjóður Akraneskaupstaðar gerður upp með 319 milljóna króna hagnaði

Gleðilegt sumar!

Grásleppusjómenn fagna lengingu veiðitímabilsins – myndasyrpa

Hlynur Blær gefur bílum nýjan blæ

core/paragraph

Á fundi bæjarstjórnar Akraneskaupstaðar sl. þriðjudag var tekinn til afgreiðslu og samþykktur með átta atkvæðum skipulagsrammi sem felur í sér breytingu á aðal- og deiliskipulagi á Smiðjuvöllum. Sú breyting er lögð til að lóðin Smiðjuvellir 32, verslunarmiðstöðin með Bónus og fleiri fyrirtækjum, verður hluti skipulagslýsingarinnar. Einkum snúa þó áætlaðar breytingar að áformum um breytingu á deiliskipulagi Smiðjuvalla 12-22. Þar eru uppi hugmyndir um að reisa blandaða þétta byggð með íbúðum og atvinnustarfsemi á jarðhæð, sbr. meðfylgjandi skýringarmynd. Eigandi Smiðjuvalla 12-22 er félagið Smiðjuvellir ehf. sem er í eigu Sigurðar Sigurgeirssonar. Verði framlagðar breytingar á skipulagi samþykktar er gert ráð fyrir að framkvæmdir gætu hafist þegar á þessu ári. Einnig liggur fyrir að skemman sem nú stendur á Smiðjuvöllum 22 verði rifin til að lóðin rúmi væntanlegt byggingarmagn. Í frumdrögum hönnunar er á byggingarreitnum gert ráð fyrir um 200 íbúðum og að atvinnuhúsnæði á jarðhæð verði um 3.500 fermetrar. Bílastæði eru áætluð um 300.

core/image

<figure class="wp-block-image size-full"><img src="https://umsjon.skessuhorn.is/wp-content/uploads/2023/01/Samthykktu-nyjan-deiliskipulagsramma-fyrir-Smidjuvelli_1.jpg" alt="" class="wp-image-60470"/><figcaption>Skýringarmynd að frumdrögum að breyttu deiliskipulagi fyrir Smiðjuvelli 12-22, merkt „E“ á skipulagi. Þar er gert ráð fyrir íbúðabyggð með atvinnustarfsemi á jarðhæð og bílageymslum undir garði. Húsaþyrpingin myndar „S“. Teikning: ASK-arkitektar.</figcaption></figure>

Fram kemur í skipulagslýsingunni að í aðalskipulagi Akraness 2021-2033 sé Smiðjuvallasvæðið norðan Esjubrautar og vestan Þjóðbrautar skilgreint sem þróunarsvæði C með það að markmiði að skoðaðir verði þar möguleikar á þéttri blandaðri byggð íbúða og atvinnustarfsemi. Óbreytt landnotkun er heimil samkvæmt gildandi aðalskipulagi og deiliskipulagi en í framhaldi af stefnumörkun bæjarstjórnar um þróunarsvæði C er skipulagslýsing nú lögð fram til þess að hefja samráð við hagsmunaaðila og íbúa um framtíðarþróun svæðisins og megináherslur um landnotkun, nýtingu, bæjarmynd og umhverfi.

Fram kemur í skipulagslýsingunni að stefnt er að því að unninn verði deiliskipulagsrammi þar sem möguleikar á blandaðri landnotkun með íbúðarbyggð verða kannaðir og skilgreindir þannig að unnt verði að vinna deiliskipulag einstakra reita á grundvelli hans. Þá verði einnig metið hvernig breyta þurfi ákvæðum aðalskipulags svæðisins í heild eða einstakra hluta þess til þess að stefna deiliskipulagsrammans fái formlegt gildi.

Eins og fyrr segir eru áform um breytingar á deiliskipulagi Smiðjuvalla 12-22 þar sem búið er að vinna frumhönnun um blandaða byggð með íbúðum og atvinnustarfsemi. Slík breyting þarf að vera í samhengi við svæðið í heild og stefnu um framtíðarþróun þess sbr. ákvæði aðalskipulagsins um þróunarsvæði. Þar sem um er að ræða grundvallarbreytingu á landnotkun á Smiðjuvallasvæðinu er breytingaáform kynnt með skipulagslýsinu þótt ekki sé skylt að leggja fram lýsingu vegna breytinga á deiliskipulagi. Loks eru lögð fram drög að breyttu aðalskipulagi þar sem gert verður ráð fyrir íbúðarbyggð og blandaðri byggð á reit E, Smiðjuvöllum 12-22. Tillaga að aðalskipulagsbreytingu verður unnin í samræmi og samhengi við tillögu að deiliskipulagsramma svæðisins.

Fréttaveita Vesturlands

Samþykktu nýjan deiliskipulagsramma fyrir Smiðjuvelli