Fyrir jólin kom út bókin Skipavík – Saga Skipavíkur í Stykkishólmi og fyrirrennara hennar 1900-2020. Bókin er í stóru broti, tæpar 300 blaðsíður, ríkulega myndskreytt 500 með ljósmyndum sem margar hverjar hafa ekki birst á prenti áður. Þá er bókin byggð á hundruðum heimilda sem Sigurður Bergsveinsson höfundur hennar hefur tekið saman. Eins og titillinn ber með sér er hér á ferðinni gagnmerk heimild um atvinnu- og iðnsögu við Breiðafjörð. Rakin er saga skipasmíða í Stykkishólmi á yfir 100 ára tímabili og fjallað um smíði 110 báta; allt frá minnstu árabátum upp í fullkomin nútíma fiskiskip. Einnig koma við sögu bátar sem Skipavík og fyrirrennarar fyrirtækisins hafa þjónustað, alls um 200 bátar sem borið hafa um 400 nöfn.