Björn Bjarki Þorsteinsson sveitarstjóri Dalabyggðar og Ólöf Halla Bjarnadóttir formaður Leikklúbbs Laxdæla handsala samninginn. Ljósm. dalir.is
2. október 2021
Undirritaður hefur verið samstarfssamningur milli Dalabyggðar og Leikklúbbs Laxdæla og eru markmið hans meðal annars að hvetja til og styrkja starfsemi leikklúbbsins og styðja við öflugt og fjölbreytt menningarlíf. Með samningnum fær klúbburinn afnot af aðstöðu fyrir bæði búnað og æfingar en styrkurinn er metinn á eina og hálfa milljón króna.
Fram kemur á heimasíðu Dalabyggðar að samningurinn gildi til ársloka 2025 og það sé von Dalabyggðar að með samningnum fái menning innan héraðs tækifæri til að blómstra enn frekar. Leikklúbburinn stóð fyrir sýningunni „Sumarhátíð“ á Sumardaginn fyrsta á síðasta ári og stefnir á frekara samkomuhald á þessu nýja ári. Samningurinn verður lagður til afgreiðslu sveitarstjórnar á næsta fundi hennar, fimmtudaginn 12. janúar næstkomandi.
