2. október 2021
Hin árlega VÍS bikarvika hefst í dag með undanúrslitaleikjum kvenna og á morgun leika karlaliðin sín undanúrslit. Fram undan eru tólf leikir á sex dögum, þar sem tíu bikarmeistarar verða krýndir frá 9. flokki upp í meistaraflokk.
Eins og áður sagði hefst vikan á undanúrslitaleikjum kvenna. Fyrri leikurinn hefst klukkan 17:15 í dag en það er viðureign 1. deildarliðs Snæfells og Subwaydeildarliðs Hauka. Í seinni leiknum sem hefst klukkan 20 eigast við 1. deildarlið Stjörnunnar og Subwaydeildarlið Keflavíkur, en bæði liðin sitja í efsta sæti sinna deilda.
Miðvikudaginn 11. janúar eru undanúrslitaleikir karla. Í fyrri leiknum mætast Subwaydeildarlið Stjörnunnar og Keflavíkur, en leikurinn hefst klukkan 17:15. Í seinni leiknum mætast Höttur og Valur, en þetta er í fyrsta skipti sem lið Hattar kemst í Laugardalshöllina. Sá leikur hefst klukkan 20.
VÍS bikarúrslitaleikir karla og kvenna fara fram laugardaginn 14. janúar. Bikarúrslitaleikur kvenna er leikinn klukkan 13:30 og bikarúrslitaleikur karla klukkan 16:15. Allir leikir meistaraflokkanna verða í beinni útsendingu á RÚV og RÚV2.
Bikarúrslit yngri flokka
Bikarúrslit yngri flokka eru hluti af dagskrá VÍS bikarvikunnar, en alls verða átta bikarmeistarar yngri flokka krýndir frá 12.-15. janúar. Allir leikirnir verða sýndir í beinni, leikjum 9., 10. og 11. flokks verður streymt en leikir 12. flokks verða sýndir beint á ruv.is.
