medium

large

thumbnail

1536x1536

2048x2048

small

custom-size

Vegagerðin beið ekki boðanna og bauð út fyrsta neyðarverkefnið

Opnaði sýninguna Huggulegt líf

Ný kennslubók um gróðurelda

EuroBasket bikarinn á ferð um landið

Fyrsta skóflustunga á Fólóreitnum

Írskir dagar tókust vel í frábæru veðri – myndasyrpa

core/paragraph

Frá því í apríl á síðasta ári hefur flóttafólki og hælisleitendum tekið að fjölga til muna hér á landi, einkum í kjölfar stríðsins í Úkraínu. Árið reyndist það langstærsta í móttöku flóttafólks. Á Akranes kom fyrsta flóttafólkið frá Úkraínu 29. apríl í fyrravor. Á síðasta ári öllu fluttu alls 80 einstaklingar í bæjarfélagið, þar af 30 börn. Akraneskaupstaður nýtur stuðnings til tveggja ára frá ríkinu fyrir hluta þessa hóps, í þeim tilfellum sem aðstæður kalla á sértæka aðstoð eða þjónustu. Hins vegar komust margir þessara nýbúa í sveitarfélaginu strax í vinnu og eru þannig virkir á vinnumarkaðnum. Þar hefur hjálpað að skortur hefur verið á vinnuafli á Akranesi og næg verkefni fyrir vinnufúsar hendur.

„Það hefur almennt gengið vel hjá flóttafólki sem hingað hefur komið að aðlagast og taka flestir virkan þátt í samfélaginu. Margir eru því komnir í vinnu og börnin eru í skólunum okkar. Fólk hefur fengið vinnu hjá byggingafyrirtækjum, verslunum, á sjúkrahúsinu, bókasafninu og víðar,“ segir Sævar Freyr Þráinsson bæjarstjóri í samtali við Skessuhorn. Hann upplýsir jafnframt að langflest af því flóttafólki sem hingað kom á síðasta ári hafi verið frá Úkraínu, en einnig einstaklingar frá Sýrlandi, Afganistan, Venesúela, Sómalíu, Írak og Palestínu.

Í gær fjölgaði flóttafólki á Akranesi óvænt, en þá var flutt inn í fimm íbúðir í fjölbýlishúsinu við Holtsflöt 6, íbúðir sem eru í eigu Byggingafélagsins Dalsbrautar ehf. Höfðu tíu íbúðir í eigu fyrirtækisins staðið auðar í húsinu. Með milligöngu Hafnarfjarðarbæjar gerði Dalsbraut nýverið samning við væntanlega leigjendur fimm íbúða. „Hafnarfjörður, Reykjanesbær og Reykjavík eru öll móttökusveitarfélög fyrir flóttafólk samkvæmt samningi við ríkið. Þessi sveitarfélög hafa það hlutverk að útvega húsnæði fyrir flóttafólk sem hingað kemur og taka á leigu íbúðir hvort heldur sem er innan eigin sveitarfélaga, eða annarsstaðar. Akraneskaupstaður hefur ekki haft beina aðkomu að þessu tiltekna máli, en við fengum tilkynningu um það frá eiganda íbúðanna í Holtsflöt 6 fyrir tveimur dögum að búið væri að leigja þær til flóttafólks á vegum Hafnarfjarðarbæjar,“ sagði Sævar Freyr þegar blaðamaður hafði samband við hann í morgun. Fólkið er ekki frá Úkraínu. Staðfest tala um fjölda fólks liggur ekki fyrir en íbúðir í fjölbýlishúsinu Holtsflöt 6 eru ýmist 110 eða 125 fermetrar og því gæti fjöldinn hæglega verið 25-30 manns.

Sævar gat þess að endingu að fljótlega verði auglýst staða verkefnisstjóra með móttöku flóttafólks á Akranesi, en ríkið styrkir þá ráðningu.

Fréttaveita Vesturlands

Flóttafólk á vegum Hafnarfjarðarbæjar sent á Akranes