Á næsta ári verður leikfangaverslunin Dótarí, sem er staðsett á Smiðjuvöllum 32 á Akranesi, eingöngu aðgengileg á vefnum. „Við þökkum öllum viðskiptavinum okkar nær og fjær fyrir skemmtilega tíma,“ segir í tilkynningu frá hjónunum Axel Frey Gíslasyni og Tinnu Ósk Grímarsdóttur eigendum verslunarinnar.

„Í mars 2023 verða tímamót hjá okkur. Við höfum ákveðið að breyta rekstrarforminu á fyrirtækinu okkar úr því að vera stór verslun sem er opin alla daga yfir í það að vera eingöngu vefverslun. Búðinni sem er staðsett á Smiðjuvöllum 32 verður lokað og við tekur þessi næsti kafli. Ástæðan fyrir þessum breytingum er sú að við Tinna erum í öðru verkefni. Það verkefni er snúnara og erfiðara en við bjuggumst við og krefst allrar okkar orku og athygli. Við viljum þakka öllum þeim sem hjálpuðu okkur og studdu okkur í þessu verkefni og öllum frábæru viðskiptavinum okkar,“ skrifar Axel Freyr í tilkynningu.

Samsett mynd frá eigendum Dótarí frá flutningunum í nýtt húsnæði og starfseminni á Smiðjuvöllum 32. Ljósm.

Dótarí fer á vefinn í mars