Starfsmenn Fjöliðjunnar á Akranesi lögðu af stað í mótmælagöngu rétt eftir hádegið í dag til að mótmæla ósamræmi milli vilja starfsfólks Fjöliðjunnar og bæjarstjórnar Akraneskaupstaðar. Starfsmönnum finnst ósamræmið felast í því að þau séu sett í tvö hús sem eru langt frá hvort öðru en þau vilji öll vera saman í einu húsi. Sævar Freyr Þráinsson bæjarstjóri gekk með starfsmönnum frá Fjöliðjunni og upp á skrifstofu bæjarins að Dalbraut 4.