medium

thumbnail

small

custom-size

Íbúafundur Miðbæjarsamtakanna í Tónbergi á mánudaginn

large

1536x1536

2048x2048

Viðunandi útkoma Dalabyggðar á síðasta ári

Óbyggðanefnd framlengir frest vegna eyja og skerja

Fjölbrautaskóli Snæfellinga 20 ára

Styrktartónleikar í Borgarneskirkju

Hoppað á og hoppað út á Snæfellsnesi

core/paragraph

Það verður notaleg jólastemning á Hvanneyri sunnudaginn 11. desember en þá fer fram viðburðurinn „Jólagleði á Hvanneyri“. Að sögn Álfheiðar Sverrisdóttur, formanns Íbúasamtaka Hvanneyrar og nágrennis, verður gamla Hvanneyrartorfan í hátíðarbúningi og ýmislegt um að vera fyrir alla aldurshópa.

„Við stefnum á að færa gestum okkar jólagleði í hjartað og notalegheit í allri jólaösinni. Í hlöðu Halldórsfjóss, sem hýsir nú Landbúnaðarsafn Íslands, verður markaður með íslenskt matar- og handverk og vörur beint frá býli, jólasveinn kíkir í heimsókn og hægt verður að setjast niður og ylja sér á kaffihúsinu í Skemmunni og hjá Hvanneyri pub sem munu verða með ýmsar veitingar til sölu. Guðmundur Sigurðsson verður með jólatré til sölu beint frá býli og aldrei að vita nema við fáum fallega jólatóna í lifandi flutningi. Kvenfélagið 19. júní verður svo með stórglæsilegan kökubasar sem gæti eflaust létt undir með einhverjum í jólabakstrinum þetta árið,“ segir Álfheiður.

Þessu til viðbótar mun sr. Hildur Björk flytja stutta jólahugvekju í Hvanneyrarkirkju kl. 15:30 og eins verður Gunnhildur Lind ljósmyndari á svæðinu en hún mun bjóða upp á fjölskyldumyndatöku við fallegan og látlausan bakgrunn. Hægt verður að kaupa af henni stakar myndir eftir jólagleðina á hóflegu verði.

Jólagleðin hefst kl. 14:00 sunnudaginn 11. desember og skipuleggjendur hvetja lesendur til að kíkja við og njóta samverunnar á þessum þriðja sunnudegi í aðventu.

Fréttaveita Vesturlands

Jólagleði á Hvanneyri sunnudaginn 11. desember