medium

large

thumbnail

small

custom-size

Hekluðu ungbarnateppi úr afgangsgarni

1536x1536

2048x2048

Alþjóðadagur vatnsins er í dag

Mygla í húsi leiðir til þess að ungmennabúðum UMFÍ hefur verið hætt

Þiggja þátttöku í fræðsluferð til Noregs til að kynna sér nýtingu vindorku

Framkvæmdir ganga vel á Höfða

100 ár frá fæðingu Bærings Cecilssonar

core/paragraph

Í tilefni 80 ára afmælis Akraneskaupstaðar á þessu ári mun Guðni Th. Jóhannesson forseti Íslands og frú Eliza Reid eiginkona hans koma í opinbera heimsókn á Akranes fimmtudaginn 15. desember. Tekið verður á móti forsetahjónunum við Hvalfjarðargöng og þeim fylgt í bæinn. Fyrsti áfangastaður verður aðsetur bæjarskrifstofunnar að Dalbraut 4 þar sem bæjarstjóri og bæjarfulltrúar munu taka á móti þeim ásamt fleirum.

Fram kemur á vef Akraneskaupstaðar að dagurinn verði þéttskipaður og munu forsetahjónin meðal annars fara í sjósund, heimsækja Skagann 3X, Hjúkrunar- og dvalarheimilið Höfða, líta inn í nýja leikskólann á Garðaseli og hitta þar elstu árganga leikskólabarna á Akranesi. Heimsókn í Þekjuna, frístundaheimili Brekkubæjarskóla, er einnig á dagskrá, skoðuð verður aðstaðan í nýja fimleikahúsinu og einnig er áætlað að heimsækja Heilbrigðisstofnun Vesturlands og Nýsköpunarmiðstöðina á Breið. Heimsókninni lýkur svo með hátíðardagskrá í tengslum við 80 ára afmæli Akraneskaupstaðar í Nýsköpunarmiðstöðinni Breið þar sem bæjarbúum er boðið að hitta forsetahjónin og þiggja veitingar með þeim í tilefni afmælisins og heimsóknarinnar. Hátíðardagskráin hefst klukkan 16.30 og stendur til klukkan 18.

Akraneskaupstaður hvetur fólk og fyrirtæki til að skreyta og flagga með íslenska fánanum og fjölmenna svo í Nýsköpunarmiðstöðina klukkan 16.30.

Forsetahjónin væntanleg í heimsókn á Akranes