medium

large

thumbnail

small

custom-size

Mikil gróska í íþróttastarfi Ungmennafélags Reykdæla

1536x1536

2048x2048

Kvennatölt hestamannafélagsins Borgfirðings

Víkingurinn 2024 verður á Vesturlandi

Opnað fyrir umsóknir í fjárfestingastuðning í kornrækt

Snæfellsnes sigraði ÍBV í Akraneshöllinni

Grótta og ÍA skildu jöfn í Lengjubikarnum

core/paragraph

Snorrastofa í Reykholti býður upp á upplestur og umræður um nýútkomnar bækur í bókhlöðu stofnunarinnar miðvikudagskvöldið 14. desember kl. 20.00.

Guðfinna Ragnarsdóttir mun kynna bók sína „Á vori lífsins. Minningar“. Guðfinna lýsir æskuárum sínum og ungdómsárum í menntaskóla og bregður upp myndum af mannlífi á Íslandi upp úr miðri síðustu öld.

Guðni Ágústsson og Guðjón Ragnar Jónason kynna bókina „Guðni. Flói bernsku minnar“. Guðni ólst upp í Flóanum í sextán systkina hópi. Hér býður hann lesandanum í ferð á vit æskustöðvanna í fortíð og nútíð. Hann segir einnig sögur af fólki, jafnt kynlegum kvistum sem virðulegum stórmennum.

Helgi Þorláksson mun kynna bók sína „Á sögustöðum“, þar sem hann fjallar um hugmyndir Íslendinga um sögustaði landsins, sem mótuðust yfirleitt af þjóðernisrómantík á 19. og 20. öld. Fjallar hann um sex fræga og óumdeilda sögustaði í nýju ljósi: Bessastaði, Hóla, Odda, Reykholt, Skálholt og Þingvelli.

Óttar Guðmundsson les síðan úr bók sinni „Það blæðir úr þjóðarsálinni“. Síðustu ár hafa bakþankar Óttars í Fréttablaðinu notið vinsælda, þar sem kemur víða við. Fjalla pistlarnir um bæði vandamál nútímamanna og forfeðranna.

Í kjölfa kynninganna og upplestursins verða umræður, sem Guðjón Ragnar Jónasson mun stjórna. Aðgangur er ókeypis og eru allir velkomnir. Uppbyggingarsjóður Vesturlands styrkir viðburðinn.

Fréttaveita Vesturlands

Bókakynning í Snorrastofu