medium

large

thumbnail

1536x1536

small

custom-size

Ekki byrði heldur virði – virkara og hraustara eldra fólk

2048x2048

Leikskólabörn skoðuðu sjúkrabílinn

Héldu forvarnadag í Fjölbrautaskóla Vesturlands

Askja Vesturlandi opnar á laugardaginn

Nagladekkin undan?

Skorradalshreppur hástökkvari í íbúafjölgun

core/paragraph

Útlit er að langbylgjusendingum frá Gufuskálum á Snæfellsnesi og Eiðum á Austurlandi verði brátt hætt og þar með verði ekki lengur þörf á langbylgjumöstrum á þessum stöðum, en þau hafa í áratugi tryggt útvarpssendingar í gegnum FM dreifikerfið. Þetta kom fram í svari Stefáns Eiríkssonar útvarpsstjóra við fyrirspurn <a href="https://austurfrett.is/frettir/hyllir-undir-endalok-langbylgjusendinga-fra-eidhum">Austurfréttar</a>, en RÚV hefur rekið mastrið á Eiðum.

RÚV hefur rekið tvö langbylgjumöstur, annars vegar á Gufuskálum á Snæfellsnesi og hins vegar á Eiðum. Um útvarpsöryggissendingar er fjallað í þjónustusamningi ráðherra og RÚV en að sögn Stefáns hafa þær verið til skoðunar í þó nokkurn tíma. Á undanförnum árum hafi orðið margvíslegar tæknibreytingar, einna stærstar þær að Íslendingar eigi almennt ekki lengur viðtæki sem taka við langbylgjusendingum, hvorki útvarpstæki á heimilum né ökutækjum. Þá séu bæði möstrin og útsendingakerfið komið á aldur og fyrirséð að endurnýjun verði dýr. Þess vegna hafi RÚV í samvinnu við almannavarnadeild ríkislögreglustjóra, Neyðarlínuna og Isavia greint framtíð útvarpsöryggissendinga. Niðurstaðan hafi verið sú að FM kerfið taki við öryggishlutverkinu á næstu árum.

Þessi uppbygging er hafin því síðustu misseri hefur verið unnið að því að þétta FM dreifikerfið og byggja upp varaafl þannig það geti gegnt öryggishlutverki sínu um allt land. Stefán segir í samtali við Austurfrétt að þessi vinna sé langt komin á Austurlandi og því svæði sem langbylgjunni á Eiðum sé ætlað að ná til. Staðan verði nánar kynnt þegar framkvæmdum sé lokið. Nánari dagsetningar liggi ekki fyrir en þetta sé fyrirhugað í vetur. Aðgerðir á Gufuskálasvæðinu komi síðar.

<a href="https://austurfrett.is/frettir/hyllir-undir-endalok-langbylgjusendinga-fra-eidhum">Sjá frétt Austurfréttar hér.</a>

Fréttaveita Vesturlands

Langbylgjusendingar frá Gufuskálum og Eiðum heyra brátt sögunni til