medium

thumbnail

small

custom-size

Gary Martin gengur til liðs við Víking Ólafsvík

large

1536x1536

2048x2048

Grásleppuveiðidögum fjölgað

Fjölmenningarþema í Heiðarskóla

Toska fríkar út á morgun

ÓH verktakar sjá um fiskmarkaðinn á Akranesi

Mokafli eftir hrygningarstopp

core/paragraph

Fjölskyldan á Skerðingsstöðum í Hvammssveit hélt jólatónleika í Dalabúð síðastliðið laugardagskvöld ásamt góðum vinum, mæðgunum Unni Sigurðardóttur og Ólöfu Bogadóttur frá Stóra-Kálfalæk á Mýrum, bræðrunum Steinþóri Loga og Kristjáni Inga Arnarssonum frá Stórholti í Saurbæ og Ingvari Kristjáni og Guðmundi Sveini Bæringssonum, frá Þorbergsstöðum í Laxárdal.

„Þetta er í raun gamall draumur sem varð loks að veruleika,“ segir Alexandra Rut Jónsdóttir, verkefnastjóri tónleikanna. Hún er frá Skerðingsstöðum, elst fjögurra systkina og dóttir Jóns Egils Jóhannssonar og Bjargeyjar Sigurðardóttur. „Pabbi hefur talað um það frá því við krakkarnir vorum lítil að hann langi til að halda svona tónleika og hann kom þessari hugmynd í kollinn á okkur svo þetta var allt í einu orðinn draumur hjá okkur öllum,“ segir Alexandra sem er mikið jólabarn og öll hennar fjölskylda. „Í gamla daga biðum við alltaf í ofvæni eftir 15. nóvember því þá mátti byrja að spila jólalög heima. Það hefur svo aðeins teygst á þessari dagsetningu núna eftir að við urðum eldri, og hún hefur færst framar í nóvember,“ segir Alexandra og hlær en fjölskyldan skreyta sömuleiðis mikið fyrir jólin.

Alexandra er alin upp við mikinn söng heima fyrir og hafa þau fjölskyldan yndi af því að syngja þótt þau hafi ekki gert mikið af því að koma fram. „Þetta er bara svona áhugamál hjá okkur og ég held að við höfum öll verið í kór. Við systur mínar höfum svo síðustu ár verið að koma fram þrjár saman á smærri samkomum, eins og við brúðkaup, í skírnum og afmælum og þess háttar, og á þeim samkomum hafa Steinþór eða Kristján verið að spila undir en við höfum aldrei sungið á viðburði sem þessum,“ segir Alexandra og bætir við að viðtökurnar hafi farið fram úr þeirra björtustu vonum, en um 230 manns sátu tónleikana. „Strax eftir tónleikana fundum við hvað fólk var ánægt og þakklátt, að við skyldum gera þetta fyrir samfélagið, bjóða upp á þessa stund, en við vildum bjóða upp á létta, heimilislega og hátíðlega jólatónleika,“ segir Alexandra.

Fyrri hluti tónleikanna var heldur fjörugur þar sem sungin voru popp jólalög í bland við önnur skemmtileg en seinni hlutinn var hátíðlegri og segir Alexandra hann vera innblásinn af Frostrósum, en þau í fjölskyldunni fóru árlega á jólatónleika Frostrósa þegar þeir voru haldnir.

Aðspurð segir Alexandra að jólatónleikar sem þessir verði haldnir aftur að ári. „Það er á dagskrá að gera þetta aftur og ég er strax búin að sækja um nokkra styrki til þess að það geti orðið að veruleika,“ segir Alexandra en þetta verkefni var styrkt af Menningarmálaverkefnasjóði Dalabyggðar, Uppbyggingarsjóði Vesturlands, Frumkvæðissjóði DalaAuðs, tónlistardeild Auðarskóla, MS – Búðardal og Meginstreymi.

„Við erum gríðarlega ánægð og þakklát með allt fólkið í kringum okkur, bæði sem hjálpaði okkur við undirbúning og ekki síður fólkið sem mætti, því án þess hefðum við ekki getað gert þetta,“ segir Alexandra að lokum.

Fréttaveita Vesturlands

Á þriðja hundrað mættu á jólatónleika í Dalabúð