medium

large

thumbnail

1536x1536

2048x2048

small

custom-size

Toska fríkar út á morgun

ÓH verktakar sjá um fiskmarkaðinn á Akranesi

Mokafli eftir hrygningarstopp

Tindur í Ólafsvík rifinn

Skagakonur unnu ótrúlegan sigur í Mjólkurbikarnum

ÞB Borg reisir glæsihýsi í Stykkishólmi

core/paragraph

<p>Um liðna helgi flutti söngleikjadeild Tónlistarskóla Borgarfjarðar atriði úr ævintýrasöngleiknum Skilaboðaskjóðunni en sýningarnar fóru fram í nýjum sal Grunnskólans í Borgarnesi. Theodóra Þorsteinsdóttir, deildarstjóri söngleikjadeilarinnar, segir áhuga hafa vaxið síðastliðin fimm ár en nú eru settar upp tvær slíkar söngleikjasýningar á ári. Í tilefni 55 ára afmælis tónlistarskólans var ákveðið að sýna í nýjum sal Grunnskólans í Borgarnesi. Sýningarnar voru tvær og báðar fyrir fullu húsi. Þetta er í fyrsta sinn sem söngleikjasýningarnar eru í grunnskólanum, að sögn Theodóru, sem jafnframt er tónlistarstjóri í sýningunni. Sigríður Ásta Olgeirsdóttir leikstýrði og Hanna Ágústa Olgeirsdóttir lék undir á píanó.</p>

<p>„Í sýningunni komu fram 23 börn á aldrinum 7-14 ára og er þetta sérlega líflegur hópur,“ segir Theodóra í samtali við Skessuhorn. „Sigríður Ásta setti saman handritið með tilliti til hópsins en ýmsum persónum var bætt við. Til dæmis vorum við með tvær mæður, tvíbura, prinsessur, dýr og fjöldann allan af dvergum. Við nýttum lög Jóhanns G. Jóhannssonar með ýmsum hætti og úr þessu varð fjörug sýning. Það er augljóst að börnin hafa mjög gaman af því að leika og syngja og sjáum við miklar framfarir ár frá ári. Skilaboðaskjóðan er mjög vinsæl og eigum við einnig von á að svo verði með Dýrin í Hálsaskógi eftir Torbjörn Egner sem við stefnum á að sýna í vor. Þar eru margir skemmtilegir söngvar og karakterar,“ segir Theodóra.</p>

Skilaboðaskjóðan sýnd fyrir fullu húsi í Borgarnesi