Pílurnar eru hópur kvenna í Snæfellsbæ sem hittast að jafnaði einu sinni í viku í íþróttahúsinu og gera eitthvað skemmtilegt saman. Þetta hófst allt saman fyrir ári síðan. Blaðamaður Skessuhorns heyrði í Regínu Ösp Ásgeirsdóttur, sem er gjaldkeri Pílanna, og fékk að heyra um þennan forvitnilega félagsskap. Regína Ösp segir að þær hittist alltaf á þriðjudagskvöldum á milli klukkan 19.30 og 20.30 og fari í íþróttir eða leiki sér til skemmtunar.