medium

large

thumbnail

1536x1536

2048x2048

small

custom-size

Grásleppusjómenn fagna lengingu veiðitímabilsins – myndasyrpa

Hlynur Blær gefur bílum nýjan blæ

Brúin komin á sinn stað yfir Berjadalsá

ÞB Borg reisir glæsihýsi í Stykkishólmi

Brást illa við afskiptum lögreglu

Fjölmenningarskóli Vesturlands tekinn til starfa

core/paragraph

<p>Pílurnar eru hópur kvenna í Snæfellsbæ sem hittast að jafnaði einu sinni í viku í íþróttahúsinu og gera eitthvað skemmtilegt saman. Þetta hófst allt saman fyrir ári síðan. Blaðamaður Skessuhorns heyrði í Regínu Ösp Ásgeirsdóttur, sem er gjaldkeri Pílanna, og fékk að heyra um þennan forvitnilega félagsskap. Regína Ösp segir að þær hittist alltaf á þriðjudagskvöldum á milli klukkan 19.30 og 20.30 og fari í íþróttir eða leiki sér til skemmtunar.</p>

<p>Hvaða íþróttir eruð þið að stunda? „Þetta er alls konar, við förum í Tarzanleikinn sem er eltingarleikur með þrautum, bandí, fótbolta, körfubolta, blak, skotbolta og brennó, skottaleikinn og spilaleikinn. Þetta er bara svipað og krakkarnir eru að gera í íþróttum í grunnskólanum. Það er hitað upp, teygt vel á og myndatökur og svona, þetta er voða gaman.“</p>

core/heading

<h2>Allir velkomnir sem vilja slást í hópinn</h2>

<p>Hvaðan kom þessi hugmynd? „Við vorum nokkrar að ræða saman því okkur fannst vanta eitthvað skemmtilegt fyrir okkur konurnar í Snæfellsbæ. Þetta hófst síðasta haust fyrir ári síðan þegar við hittumst nokkrar konur á Skerinu í Ólafsvík og fórum í pílu. Síðan þá hefur þetta undið upp á sig og erum við nú um 60 konur í hópnum en í kringum svona 20 að meðaltali sem mætum í hverri viku. Við erum með þema annað slagið; diskóþema, jólaþema og alls konar. Við erum á öllum aldri, alveg frá sautján og upp úr. Það eru allir velkomnir sem vilja slást í hópinn með okkur. Við erum búnar að halda árshátíð og þetta er dásamlegur félagsskapur því þetta er svo skemmtilegur og fjölbreyttur hópur.“</p>

<p>Það er vel hægt að segja að þið séuð frumkvöðlar og góð fyrirmynd fyrir aðrar konur í smærri bæjarfélögum? „Við erum að reyna að þjappa saman hópnum í svona litlu bæjarfélagi. Það er gaman að fara aðeins út úr hversdagslífinu og fara bara til að hafa gaman. Það er engin alvara í þessu, bara til að hlæja og fíflast. Það er engin keppni í þessu hjá okkur, auðvitað eru sumar með keppnisskap en það fer enginn grenjandi heim heldur allar hlæjandi. Ég mæli með þessu fyrir alla, sérstaklega í svona litlu bæjarfélagi þar sem er kannski ekkert brjálæðislega mikið í boði. Þá verður maður að reyna að hrista hópinn saman og finna eitthvað sniðugt til að hafa fyrir stafni,“ segir Regína Ösp að lokum.</p>

Fréttaveita Vesturlands

Hittast einu sinni í viku til að hafa gaman