Verslun Axels Sveinbjörnssonar á Akranesi er í daglegu tali kölluð Axelsbúð en var lengst af til húsa á horni Hafnarbrautar og Suðurgötu. Það var 18. desember 1942 sem Axel Sveinbjörnsson stofnaði verslun sína. Vöruúrvalið í Axelsbúð var rómað og var það almannarómur á Akranesi að ef vara fengist ekki í Axelsbúð þá fengist hún hvergi. Stofnandinn, Axel Sveinbjörnsson, fæddist árið 1904 í Reykjavík en ólst upp hjá frændfólki sínu á Traðarbakka á Akranesi frá níu mánaða aldri. Hann var stýrimaður og skipstjóri á bátum frá Akranesi, en hætti sjómennsku árið 1936 af heilsufarsástæðum og hóf þá störf i verslun Haraldar Böðvarssonar.