medium

large

thumbnail

1536x1536

small

custom-size

Mikilvæg lífæð fyrir fólkið hér á svæðinu

Íbúafundur Miðbæjarsamtakanna í Tónbergi á mánudaginn

2048x2048

Viðunandi útkoma Dalabyggðar á síðasta ári

Óbyggðanefnd framlengir frest vegna eyja og skerja

Fjölbrautaskóli Snæfellinga 20 ára

Styrktartónleikar í Borgarneskirkju

core/paragraph

Síðastliðið laugardagskvöld var haldin uppskeruhátíð í verkefni sem nefnist Markaðsetning ábyrgra matvæla af Snæfellsnesi (MÁMS). Þá leiddu saman hesta sína, í fyrsta en örugglega ekki síðasta sinn, matreiðslumennirnir Rúnar Marvinsson á Hellissandi auk Gunnars Garðarssonar og Miroslav Honek frá Bjargarsteini Mathúsi í Grundarfirði. Hráefnið var að mestu fengið frá samstarfsaðilum í MÁMS en 18 matarframleiðendur af Snæfellsnesi hafa tekið þátt í verkefninu. Aðstandendur verkefnisins og stuðningsaðilar þess mættu og buðu gestum í fjölbreyttan hátíðarmat. Meðal rétta var söl og karfaroð, reykt geitakjöt, kartöflur og rófur, karfi, kálfarif og kinnar og þorskhnakki.

Svæðisgarðurinn Snæfellsnes, sem sveitarfélögin fimm og félög úr atvinnulífi á Snæfellsnesi stofnuðu árið 2014, er byggðaþróunarmódel og farvegur fyrir samstarf með áherslu á ábyrgð og sjálfbærni. „Við viljum byggja á matarhefðum Snæfellsness og ímynd og finna farveg fyrir matvælaframleiðslu á svæðinu sem eykur verðmætasköpun, þannig að frekari vinnsla úr hráefni sem hér er dregið úr sjó, úr ám og vötnum eða framleitt á landi, muni eiga sér stað á Snæfellsnesi,“ segir Ragnhildur Sigurðardóttir framkvæmdastjóri Svæðisgarðsins og bætir við: „Fólk á að fá vatn í munninn þegar það hugsar um Snæfellsnes. Íbúar og gestir þurfa að hafa greiðan aðgang að mat frá Snæfellsnesi, bæði á veitingastöðum, eins og hér, og í mötuneytum, verslunum og fleira,“ sagði Ragnhildur.

Nánar í Skessuhorni sem kemur út á morgun.

Snæddu ábyrg matvæli í Bjargarsteini