medium

large

thumbnail

1536x1536

small

custom-size

Skallagrímur úr leik eftir tap gegn Þór

Stefán Bjarki Akranesmeistari í pílu 2024

2048x2048

Vegaskemmdir eftir asahláku á laugardaginn

Fengu gull á vorbikarmótaröð í hnefaleikum

Lúðrasveit lék fyrir Borgnesinga

Skagamenn í öðru sæti eftir stórsigur á Fylki

core/paragraph

Sindri og Skallagrímur tókust á í 1. deild karla í körfuknattleik á föstudagskvöldið og var viðureignin á Höfn í Hornafirði. Fyrir leik var Sindri í öðru sæti deildarinnar með 16 stig á meðan Skallagrímsmenn höfðu tapað fimm leikjum í röð í deildinni og voru með sex stig í neðri hlutanum. Jafnræði var með liðunum í fyrsta leikhluta og staðan jöfn 12:12 þegar fimm mínútur voru liðnar en heimamenn voru ívið sterkari seinni hlutann og leiddu með sex stigum við flautið, 25:19. Gestirnir náðu síðan að jafna metin í miðjum öðrum leikhluta, staðan 32:32, en Sindramenn bættu þá aftur í og áttu síðasta orðið, hálfleikstölur 47:40 fyrir Sindra.

Sindramenn voru sterkari í fyrri hluta þriðja leikhluta en Skallagrímur náði að jafna metin enn á ný eftir rúman sex mínútna leik, staðan 56:56. Baráttan hélt áfram og þegar leikhlutanum lauk var forskot Sindra aðeins tvö stig, 65:63. Það var mikil spenna í fjórða og síðasta leikhluta og þegar tæpar tvær mínútur voru eftir af leiknum var staðan jöfn, 71:71. Tyler Stewart minnkaði muninn í eitt stig með þriggja stiga skoti fyrir Sindra þegar tæp mínúta var eftir en Skallagrímur svaraði að bragði með þremur stigum af vítalínunni auk þess að klúðra þremur vítaskotum á þessum stutta tíma. Sigurður Guðni Hallsson hitti síðan úr þriggja stigi skoti níu sekúndum fyrir leikslok fyrir heimamenn og munurinn aðeins eitt stig, 77:78. Milorad Sedlarevic tryggði síðan sigurinn fyrir Skallagrím með tveimur vítaskotum þó að Tyler Stewart hefði gert sitt til að reyna að jafna metin á lokasekúndunum með þriggja stiga skoti sem missti marks, lokatölur 77:80 Skallagrími í vil.

Keith Jordan Jr. var stigahæstur hjá Skallagrími með 23 stig og þeir Milorad Sedlarevic og Björgvin Hafþór Ríkharðsson voru með 19 stig hvor auk þess sem Björgvin var með 13 fráköst og 9 stolna bolta. Hjá Sindra var Tyler Stewart með 18 stig og 15 fráköst, Oscar Jorgensen með 14 stig og Rimantas Daunys með 13 stig.

Næsti leikur Skallagríms í deildinni er á móti Fjölni næsta föstudag í Fjósinu í Borgarnesi og hefst klukkan 19.15. Á sunnudaginn spilar Skallagrímur síðan í 8-liða úrslitum VÍS bikarsins á móti úrvalsdeildarliði Stjörnunnar í Umhyggjuhöllinni í Garðabæ og hefjast leikar klukkan 15.

Fréttaveita Vesturlands

Skallagrímur með sterkan sigur á Sindra