medium

large

thumbnail

1536x1536

2048x2048

small

custom-size

Gleðileg jól!

Hildur SH komin til heimahafnar í Rifi

Slæmt ferðaveður frá klukkan 20 á aðfangadagskvöld

Ráðuneyti samgöngu- og sveitarstjórnarmála að nýju

Bókagjöf til Grunnskóla Snæfellsbæjar

Engan sakaði þegar bíll lenti á hliðinni

core/paragraph

Kristín Þórhallsdóttir kraftlyftingakona úr Borgarfirði gerði það gott á Evrópumótinu í klassískum kraftlyftingum sem fram fór í Skiernewice í Póllandi um helgina. Kristín keppti í -84 kílógramma flokki og var fyrir fram búist við einvígi milli hennar og Agötu Sitko frá Póllandi. Svo fór þó að sú pólska vann til gullverðlauna og lyfti samanlagt 582,5 kílóum en Kristín varð í öðru sæti, lyfti samanlagt 575 kg. Hún komst því á verðlaunapall og tók við silfurverðlaunum. Kristín byrjaði vel og lyfti þyngst allra í hnébeygjunni, eða 217,5 kílóum og vann því til gullverðlauna í þeirri grein. Hún hlaut bronsverðlaun í bekkpressu þar sem hún lyfti þyngst 120 kílóum. Loks tók hún 237,5 kíló í réttstöðulyftunni.

Í klassískum kraftlyftingum er hjálparbúnaður ekki leyfður sem er munurinn á klassískum kraftlyftingum og kraftlyftingum.

„Ég átti ekki minn besta dag, með aðeins 5 af 9 sem gildar lyftur og aðeins eina í hnébeygjunni þar sem ég er sterkust. Ég bjóst við meiru af mér á þessu móti, en ég var einhvern veginn ekki í mínu besta formi. En á slæmum degi tókst mér að kreista fram silfurverðlaun í heildina, medalíu í öllum þremur greinum og barðist um gullið allt til enda. Ég er hins vegar ekki hætt og viss um að ég á meira inni,“ sagði Kristín á FB síðu sinni að móti loknu.

Kristín vann til silfurverðlauna á Evrópumótinu