medium

thumbnail

small

custom-size

Dulúðin dró Eyþór að gömlum bókum

large

1536x1536

2048x2048

Jafntefli hjá HK og ÍA í Lengjubikarnum

Ferðamannasumar fram undan

Snæfell tapaði í Síkinu

Viðbragðsaðilar úr Borgarbyggð stilltu saman strengi

Ný flokkunareining við Miðgarð

core/paragraph

Um miðja síðustu viku upplýsti Matvælastofnun um að upp hafi komið óþekktur sjúkdómur í 30 hrossa hópi á Suðurlandi. Alls veiktust 13 hross af sjúkdómnum og þar af drápust sex. Um er að ræða alvarlegan sjúkdóm sem einkennist af háum hita en auk þess fékk hluti hrossanna mikinn bjúg á framfætur, brjóst og haus. Þetta kom fram í tilkynningu frá Matvælastofnun sem rannsakaði sjúkdóminn ásamt Tilraunastöð HÍ á Keldum. Nú hefur komið í ljós að allt bendir til þess að sýkingin sé af völdum eiturmyndandi jarðvegsbakteríu, Clostridium spp., en rannsóknir standa enn yfir.

Hrossin voru haldin í tveimur aðskildum hópum þar til þau voru rekin saman og sprautuð með ormalyfi 21. nóvember, en aðeins hrossin sem höfðu verið í öðru hólfinu veiktust. Bakterían virðist hafa magnast upp í því hólfi. Þessi tegund baktería myndar dvalargró og má ætla að þau hafi verið í umtalsverðu magni á feldi hrossanna og komist í gegnum húð þegar hrossin voru sprautuð með ormalyfinu.

Undir húðinni eru loftfirrðar aðstæður og þar vakna gróin til lífsins og bakterían tekur að fjölga sér og mynda eiturefni. Eitrið getur valdið bráðadauða en einnig háum hita og umfangsmiklum bólgum undir húð sem að lokum geta leitt til dauða. „Mjög erfitt er að meðhöndla þessa tegund sýkinga og stöðva eitrunaráhrifin,“ segir í tilkynningu frá MAST.

Hópsýking í hrossum rakin til jarðvegsbakteríu