medium

large

thumbnail

1536x1536

2048x2048

small

custom-size

Ruddu ís úr höfninni

Heiður að fá að sinna þingmennsku fyrir íbúa Norðvesturkjördæmis

Vilhjálmur minnir á mikilvægi loðnuvertíðar

Margt að skoða á Vetrardögum á Akranesi – myndasyrpa

Keppt í tvígangi á götuleikum Dreyra

Skagamenn skelltu nýkrýndum deildarmeisturum

core/paragraph

Þrír stjórnarmenn úr Kiwanisklúbbnum Þyrli á Akranesi komu færandi hendi síðdegis í gær til Mæðrastyrksnefndar Akraness. Gáfu þeir nefndinni 200 þúsund krónur sem nýtast mun fyrir jólaúthlutun Mæðrastyrksnefndar 15. desember næstkomandi.

Mæðrastyrksnefnd Akraness þjónar skólstæðingum sem leita til nefndarinnar úr fjórum sveitarfélögum; Akranesi, Hvalfjarðarsveit, Borgarbyggð og Skorradal. Fyrri hluta desember er jafnan mesti annatímann hjá nefndarkonum. Þá þurfi m.a. að kalla inn umsóknir og fara yfir hvort að viðkomandi eigi rétt á styrk. Umsækjendur þurfa að framvísa búsetuvottorði og afriti úr staðgreiðsluskrá. Mæðrastyrksnefnd þakkaði Kiwanismönnum þeirra rausnarskap. Jafnframt vilja þær koma á framfæri þökkum til fyrirtækja og einstaklinga sem lagt hafa nefndinni til fjármuni að undanförnu. Gera þær ráð fyrir að umsóknir um aðstoð verði á annað hundrað fyrir þessi jól.

Vegna aðstöðuleysis gerir Mæðrastyrksnefnd ráð fyrir að nú verði að mestu leyti úthlutað úttektarkortum í verslunum Krónunnar og Bónus. Þó geti það breyst ef matargjafir koma til úthlutunar. Rauði krossinn á Akranesi skýtur nú skjólshúsi yfir Mæðrastyrksnefnd meðan undirbúningur fyrir jólaúthlutun stendur yfir, en nefndin er að öðru leyti húsnæðislaus eins og sakir standa.

Kiwanisklúbburinn styrkir Mæðrastyrksnefnd