medium

large

thumbnail

1536x1536

small

custom-size

Kálfafjós í byggingu á Litla Kroppi

Þema ljósmyndasamkeppni er gleði

2048x2048

Bæjarsjóður Akraneskaupstaðar gerður upp með 319 milljóna króna hagnaði

Gleðilegt sumar!

Grásleppusjómenn fagna lengingu veiðitímabilsins – myndasyrpa

Hlynur Blær gefur bílum nýjan blæ

core/paragraph

Heilabilun, lífslokameðferð og fleira

Fimmtudaginn 24. nóvember héldu útskriftarnemar á sjúkraliðabraut í FVA málstofu þar sem áhugaverð sérvalin efni voru kynnt. Málstofan er hluti af námsmati en 17. desember næstkomandi ljúka 16 sjúkraliðar náminu og eru öll komin með vinnu eftir áramót. Meðal efnis sem fjallað var um á málstofunni má nefna heilabilun og meðferð við henni, líknar- og lífslokameðferð, geð- og fíkniröskun, Lewy Body-sjúkdóminn, nýrnabilun og margt fleira. Sjúkraliðanám í FVA er sex anna nám sem kennt er í staðbundnum lotum. Næst verður innritað í námið í haust.

Jóhanna Ólafsdóttir og Þorbjörg Ragnarsdóttir hafa yfirumsjón með sjúkraliðanáminu í FVA. Þær sögðust vera ótrúlega stoltar af þessum nemendum og málstofunni. „Við vorum öll oft við það að bugast yfir önnina þar sem nemendum óx í augum að vinna þetta málstofuverkefni en það var ýtt stanslaust á að þau gerðu meira og betur og útkoman varð alveg frábær og kynningarnar skemmtilegar. Margir yfirstigu þá hindrun að standa frammi fyrir samnemendum og kennurum og fluttu fyrirlestur um sérhæft efni af öryggi og fagmennsku auk þess sem skein í gegn sú innsýn í fagið sem nemendur hafa öðlast í gegnum nám sitt. Reynsla sem mun ávallt nýtast þeim og þau taka með sér inn á sína vinnustaði ásamt þessum verkefnum sem vonandi munu halda áfram að vaxa og dafna með okkar frábæru nemendum sem eru í forystusæti,“ sagði Jóhanna.

Málstofa sjúkraliða í Fjölbraut