medium

large

thumbnail

1536x1536

2048x2048

small

custom-size

Búast má við sprenginum við Borgarbrautina

Jafntefli hjá Reyni og Stokkseyri

Káramenn styrktu enn stöðu sína á toppi deildarinnar

Skallagrímur sótti ekki skig til Eyja

Hoppað í sjóinn veður í Hólminum

Víkingur vann toppslaginn

core/paragraph

Snæfell og Tindastóll mættust í 1. deild kvenna í körfuknattleik í gærkvöldi og var leikurinn í Stykkishólmi. Gengi liðanna í deildinni til þessa var afar ólíkt, Snæfell í öðru sæti með 16 stig og Tindastóll í því næst neðsta með aðeins fjögur stig. Tindastóll skoraði fyrstu tvö stig leiksins en Snæfell svaraði með 13 stigum og jók forskotið enn meira fram að lokum fyrsta leikhluta, staðan 25:9 fyrir Snæfelli. Í öðrum leikhluta náðu Tindastólskonur aðeins að halda í við heimakonur, þær skoruðu aðeins tveimur stigum minna og staðan í hálfleik 43:25 Snæfelli í vil.

Snæfellskonur voru síðan helmingi betri en Tindastóll í þriðja leikhluta því þær skoruðu helmingi fleiri stig en þær og fyrir þá áhorfendur sem voru helmingi færri en hundrað var helmingi skemmtilegra fyrir þá að horfa á Snæfell heldur en að hanga heima og missa af leiknum sem fór að mestu fram á sóknarhelmingi Snæfells, staðan 71:39 fyrir Snæfelli. Í fjórða og síðasta leikhluta fengu minni spámenn að spreyta sig hjá Snæfelli og komust nánast allar á blað á meðan Tindastóll gat spilað á aðeins átta leikmönnum og skiptu þær spilatímanum systurlega á milli sín, lokatölur leiksins 92:56 Snæfelli í hag.

Cheah Rael Whitsitt var eins og oft áður atkvæðamest hjá Snæfelli með 21 stig, 28 fráköst og 8 stoðsendingar, Preslava Koleva var með 15 stig og Rebekka Rán Karlsdóttir með 14 stig. Hjá Tindastóli var Chloe Rae Wanink með 15 stig, Eva Rún Dagsdóttir með 12 stig og Inga Sólveig Sigurðardóttir með 9 stig.

Næsti leikur Snæfells er á móti Ármanni næsta miðvikudag í Kennaraháskólanum í Reykjavík og hefst klukkan 19.15.

Fréttaveita Vesturlands

Snæfell aftur á sigurbraut eftir stórsigur á Tindastóli