medium

large

thumbnail

1536x1536

small

custom-size

Lokaárið í bili á vettvangi í Ólafsdal

2048x2048

Veðrið fram á sumar

Félagsskapurinn og löngunin til að æfa hefur fylgt krökkunum

Heimsmeistaramótið í ruslakarli fór fram í Grundarfirði

Grunnskóli Snæfellsbæjar símalaus skóli í þrjú ár

Gáfu efni og vinnu í Nýrækt

core/paragraph

Árlegt forvarnarátak Landssamband slökkviliðs- og sjúkraflutningamanna (LSS) og HMS hófst í dag og mun átakið vara út desember. Með forvarnarátakinu er verið að hvetja fólk til að huga að mikilvægasta öryggistæki heimilisins, reykskynjaranum.

Andlit átaksins í ár er Sandra Sigurðardóttir, landsliðsmarkvörður í fótbolta, og er afar kærkomið að fá svona flotta og öfluga fyrirmynd með í lið til að vekja athygli á þessu mikilvæga öryggistæki.

Það er nauðsynlegt að huga að reykskynjaranum að lágmarki einu sinni á ári og skipta um rafhlöðu svo hann sinni sínu hlutverki. Það er góð regla að skipta um rafhlöðu 1. desember ár hvert. Það er um að gera að virkja börnin í það verkefni og leyfa þeim að taka þátt til að virkja vitund þeirra á brunavörnum heimilisins.

Skerandi hljóðið frá reykskynjaranum á að vekja upp varnarviðbrögð hjá okkur og fá okkur til að bregðast við aðstæðum. Það þýðir að ef reykskynjarinn pípir þá þarf að bregðast við, ekki bíða með að skipta um rafhlöðu, gerðu það strax.

Það er mikilvægt í nútímasamfélagi að hafa reykskynjara í öllum rýmum og herbergjum heimilisins þar sem við erum með rafmagnstæki á mörgum stöðum. Það er mikilvægt að staðsetja hann rétt, best er að hafa hann fyrir miðju lofts og gæta skal þess að staðsetja hann að lágmarki í 30 cm fjarlægð frá vegg eða ljósi.

Allar upplýsingar um reykskynjara og eldvarnir á heimilinu má finna á vefsíðunni www.vertueldklar.is. HMS og LSS hvetja alla landsmenn til að kynna sér málin þar inni og fara yfir brunavarnir á heimilinu, það getur skipt sköpum og bjargað mannslífum.

Þekkir heimilisfólk flóttaleiðir út af heimilinu?

Eru slökkvitæki staðsett við útgang og flóttaleiðir?

Er eldvarnateppi aðgengilegt og sýnilegt í eldhúsi?

Fréttaveita Vesturlands

Dagur reykskynjarans er í dag