medium

large

thumbnail

1536x1536

2048x2048

small

custom-size

Fór í Stýrimannaskólann og varð faðir sautján ára gamall

Var mikill sveitamaður í sér þótt sjómennskan hafi orðið ofan á

Aukin hætta á fuglainflúensu með komu farfuglanna

Glæsilegir tónleikar í Borgarneskirkju

Akranesmótið í pílu um helgina

Vígreif í hefðbundnu karlastarfi

core/paragraph

Í húsi Skátafélags Akraness eru á nokkurra vikna fresti haldnir Rekka- og Svannasveitarfundir en það eru skátafundir fyrir fullorðna skáta. Þeir eru iðulega vel sóttir og mæta þar milli 25 og 30 skátar en bróðurpartur þeirra eru konur. Blaðamaður kíkti á skátafund síðastliðið mánudagskvöld en það var svokallaður jólafundur sveitarinnar. Fundirnir byrja alltaf á samsöng og var engin undantekning á því. Þar voru öll þrettán erindi Ragnars Jóhannessonar úr laginu Aðfangadagskvöld sungin og var þá gott að vera með textann á blaði. Hátíðlegar veitingar voru á boðstólnum og hélt Eydís Líndal Finnbogadóttir utan um dagskránna en hún er formaður Rekka- og Svannasveitarinnar. Þá voru sagðir brandarar, spurningakeppni og sungið meira. Bræðurnir Giljagaur og Ketkrókur litu við á fundinum og útbýttu gjöfum við mikinn fögnuð. Fundinum var slitið á hefðbundinn hátt þar sem allir tókust hönd í hönd og sungu Bræðralagssönginn og Kvöldsöng skáta.

core/image

<figure class="wp-block-image size-full"><img src="https://umsjon.skessuhorn.is/wp-content/uploads/2022/11/Grunngildi-skatahreyfingarinnar-visa-leidina-ut-i-lifid_3-scaled.jpg" alt="" class="wp-image-58666" /><figcaption>Enginn fór tómhentur heim eftir heimsókn þessara gjafmildu bræðra.</figcaption></figure>

Í ár er 100 ára afmæli kvenskáta á Íslandi en fyrsta skátafélagið, sem var stofnað á Íslandi árið 1912, var einungis ætlað drengjum. Það var svo tíu árum seinna sem fyrsta kvenskátafélagið á Íslandi var stofnað, árið 1922. Þeir kvenskátar sem eru í Rekka- og Svannasveit Skátafélags Akraness hafa margar hverjar verið í skátastarfi frá því þær höfðu aldur til að ganga í hreyfinguna og segja þær að gildi skátahreyfingarinnar hafi verið þeim góður leiðarvísir í lífinu.

<figure class="wp-block-image size-full"><img src="https://umsjon.skessuhorn.is/wp-content/uploads/2022/11/Grunngildi-skatahreyfingarinnar-visa-leidina-ut-i-lifid_2-scaled.jpg" alt="" class="wp-image-58664" /><figcaption>Fedda og Hulda eru elstar í Skátafélagi Akraness. Þær hafa báðar verið í skátunum frá níu ára aldri.</figcaption></figure>

Skátahreyfingin er alþjóðleg uppeldis- og friðarhreyfing en markmið hennar er að leggja sem mest af mörkum við uppeldi ungs fólks og skila af sér sjálfstæðum, virkum og ábyrgum einstaklingum út í samfélagið. „Það er m.a. gert með því að hjálpa ungu fólki að byggja upp eigið gildakerfi sem grundað er á siðferðilegum lífsgildum, félagslegu réttlæti og persónulegri staðfestu,“ segir í Grunngildum Bandalags íslenskra skáta.

Skátafélag Akraness á einnig stórafmæli í ár, því nú eru 70 ár frá stofnun þess. Í tilefni af því og 100 ára afmæli kvenskáta á Íslandi býður skátafélagið til kvöldvöku í sal Brekkubæjarskóla, á morgun, fimmtudaginn 1. desember frá kl. 17:30-19:00. Þar verða ýmis atriði og skátasöngvar í bland við jólalög og eru allir velkomnir.

Fréttaveita Vesturlands

Grunngildi skátahreyfingarinnar vísa leiðina út í lífið