medium

large

thumbnail

1536x1536

2048x2048

small

custom-size

Gríðarlega góður andi og stemning í hópnum

Söngleikurinn Grease frumsýndur á föstudag

Góð afkoma hjá Borgarbyggð

Ruslið og angistin

Þór hafði sigur á Skallagrími í spennuleik

Skipulagsfræðingur telur Hvassahraun úr sögunni og vill varaflugvöll í Borgarfjörð

core/paragraph

Á morgun, fimmtudaginn 1. desember, eru tíu ár síðan Blómasetrið – Kaffi Kyrrð var opnað við Skúlagötu 13 í Borgarnesi. „Þessi tíu ár hafa verið ævintýri líkust,“ segir Svava Víglundsdóttir eigandi Blómasetursins í samtali við Skessuhorn. „Við erum sérstaklega þakklát fyrir okkar yndislegu viðskiptavini yfir árin. Þetta eru viðskiptavinir sem koma aftur og aftur til okkar og okkur þykir vænt um hverja einustu heimsókn,“ bætir hún við.

Katrín Huld Bjarnadóttir, dóttir Svövu, átti stóran þátt í að koma fyrirtækinu á þann stað sem það er í dag. Hún lét nýverið af störfum og leitar á vit nýrra ævintýra. „Hún á miklar þakkir skildar fyrir sín störf fyrir Blómasetrið,“ segir Svava um dóttir sína. Í dag rekur Svava fyrirtækið með eiginmanni sínum Unnsteini Arasyni og hundinum Álfi. Þau hjónin keyptu Blómabúð Dóru á sínum tíma af Halldóru Karlsdóttur og var sú verslun staðsett í Hyrnutorgi. Árið 2009 fluttu þau reksturinn yfir götuna áður en þau keyptu Skúlagötu 13 í desember 2012 og þar hefur starfsemin verið allar götur síðan. Reksturinn hefur hins vegar tekið töluverðum breytingum síðan þau fluttu fyrir áratug. Í dag reka þau verslunina samhliða töfrandi kaffihúsi og heimagistingu á efri hæð hússins. Árið 2017 festu þau kaup á Skúlagötu 15 í Borgarnesi og bættu við gistinguna þremur stúdíóíbúðum. „Við eigum álfahólinn í bænum,“ segir Svava og brosir.

Svava hefur starfað við ferðaþjónustu og verslunarrekstur í 40 ár og segir að mannauður sé það dýrmætasta sem fyrirtæki geti fjárfest í. „Ég hef aldrei þurft að auglýsa eftir starfsfólki. Allt mitt fólk hef ég fundið og það fundið okkur. Ég segi stundum að það eru alltaf englar á bráðavakt og þeir hafa hugsað vel um okkur,“ segir Svava þakklát að endingu.

Í tilefni af tíu ára afmæli Blómasetursins – Kaffi Kyrrðar verður sérstök afmælisopnun frá kl. 9:00 – 22:00 á morgun, fimmtudaginn 1. desember. Boðið verður upp á afmælisveitingar og 20% afsláttur verður á öllum vörum í versluninni.

Fréttaveita Vesturlands

Blómasetrið – Kaffi Kyrrð tíu ára