medium

large

thumbnail

1536x1536

2048x2048

small

custom-size

Grásleppusjómenn fagna lengingu veiðitímabilsins – myndasyrpa

Hlynur Blær gefur bílum nýjan blæ

Brúin komin á sinn stað yfir Berjadalsá

ÞB Borg reisir glæsihýsi í Stykkishólmi

Brást illa við afskiptum lögreglu

Fjölmenningarskóli Vesturlands tekinn til starfa

core/paragraph

Nú í byrjun desember sýnir Söngleikjadeild Tónlistarskóla Borgarfjarðar atriði úr ævintýrasöngleiknum Skilaboðaskjóðunni eftir Þorvald Þorsteinsson. Tónlistin er eftir Jóhann G. Jóhannsson. Í sýningunni koma 23 börn fram, Sigríður Ásta Olgeirsdóttir leikstýrir, Theodóra Þorsteinsdóttir stýrir tónlistinni og Hanna Ágústa Olgeirsdóttir leikur með á píanó.

Fram kemur í tilkynningu frá skólanum að búið sé að vera heilmikið fjör hjá krökkunum í haust. Hópurinn samanstendur af 23 líflegum börnum á aldrinum 7-14 ára. Sigríður Ásta setti saman handritið með tilliti til hópsins og er ýmsum persónum bætt inn, til dæmis eru tvær mæður, tvíburar, prinsessur, dýr og fjöldinn allur af dvergum. Lögin eru nýtt með ýmsum hætti og úr þessu verður stuð og stemning. Að þessu sinni verða sýningarnar í sal Grunnskólans í Borgarnesi.

Frumsýningin verður föstudaginn 2. desember klukkan 17 og seinni sýningin laugardaginn 3. desember klukkan 13. Aðgangseyrir er 1000 kr. fyrir fullorðna og 500 kr. fyrir grunnskólabörn. Ekki er greitt fyrir börn á leikskólaaldri, greitt er við innganginn og er vakin athygli á því að það er ekki posi á staðnum.

Tónlistarskóli Borgarfjarðar sýnir atriði úr Skilaboðaskjóðunni