medium

large

thumbnail

1536x1536

2048x2048

small

custom-size

Skagamenn Lengjudeildarmeistarar 2023

Skagakonur upp í Lengjudeildina á ný

Úr sarpi: „Toppurinn er alltaf að fara í skemmtilegar hestaferðir í góðra vina hópi á góðum hesti“

Þreyttu Faxaflóasund

Mikilvægir leikir hjá liðum ÍA um helgina

Vel heppnaður aðalfundur FKA Vesturlands

core/paragraph

Sveitarfélagið Borgarbyggð var í Landsrétti síðastliðinn föstudag dæmt til þess að greiða Gunnlaugi A Júlíussyni fyrrverandi sveitarstjóra tæpar 3,7 milljónir króna í bætur fyrir uppsögn í starfi. Fallist var á varakröfu hans í málinu, en upphaflega fór Gunnlaugur fram á 60 milljónir króna í bætur. Landsréttur dæmdi sveitarfélagið jafnframt til að greiða honum þrjár milljónir króna í málskostnað fyrir héraði og í Landsrétti.

Gunnlaugur stefndi sveitarfélaginu upphaflega í apríl 2020 en hann var sveitarstjóri árin 2016 til 2019, en var sagt upp í nóvember það ár. Hann vildi meina að starfsheiður sinn með uppsögninni hafi verið rýrður, uppsögnin verið mikið andlegt tjón og valdið honum vanlíðan. Einnig gerði Gunnlaugur athugasemd við að honum hafi ekki verið sagt upp með formlegum hætti líkt og kveðið er um í lögum. Í staðinn fyrir að uppsögnin hafi verið borin upp á fundi sveitarstjórnar hafi forseti sveitarstjórnar afhent honum uppsagnarbréf. Í héraði var Borgarbyggð sýknað í máli sem kveðið var upp í júní 2021. Í dómi héraðsdóms sagði að uppsagnarákvæði hafi verið í gildi í ráðningarsamningnum. Þá hafi uppsögnin m.a. verið samþykkt á næsta sveitarstjórnarfundi eftir uppsögnina.

Dómur Landsdóms er langur og ítarlegur, svo ítarlegur að í niðurstöðuorðum segir m.a. að; „kröfugerð áfrýjanda er óhóflega flókin að uppbyggingu. Hún er aftur á móti ítarlega skýrð í stefnu og öðrum skriflegum málatilbúnaði áfrýjanda og þykja því ekki næg efni til að vísa máli þessu frá dómi af sjálfsdáðum vegna vanreifunar.“ Þá segir einnig í dómsorðum Landsréttar að Gunnlaugur eigi ekki rétt til bóta vegna fjártjóns á þeim grundvelli að staðið hafi verið að uppsögn hans með ólögmætum hætti. Orðið hafði trúnaðarbrestur milli sveitarstjórnar og sveitarstjóra og hafi sveitarstjórn ekki brotið gegn rannsóknarreglu, meðalhófsreglu og andmælarétti sínum við að segja honum fyrirvaralaust upp. Landsréttur var ekki sammála niðurstöðu héraðsdóms nema að hluta og féllst á að koma til móts við fyrstu varakröfu Gunnlaugs og var Borgarbyggð því gert að greiða honum samtals 3.692.241 krónur með vöxtum, auk þriggja milljóna króna í málskostnað.

Þegar dómur hafði verið upp kveðinn á föstudag lét Gunnlaugur þessi orð falla í viðtali við fréttavefinn Visir.is: „Þetta er ekki spurning um sigur heldur hver hefur rétt fyrir sér. Í mínum huga var þetta aldrei spurning. Mér finnst niðurstaðan skipta mestu máli. Að gjörningurinn var ólögmætur. Peningamálin voru ekki aðalatriðið heldur að fá niðurstöðu í lagalegu hliðina. Þetta hefur mikið fordæmisgildi. Þarna er tekin ákvörðun um fjárhagslega skuldbindandi aðgerð fyrir hönd sveitarfélagsins utan formlegs fundar,“ sagði Gunnlaugur í samtali við Vísi.

<a href="https://landsrettur.is/domar-og-urskurdir/domur-urskurdur/?Id=40ff7a67-5c85-490b-875c-8c6c9e73dd91&amp;verdictid=5d9a9b22-0941-4d82-af57-d24ea78f76cc">Sjá má dóm Landsréttar hér.</a>

Fréttaveita Vesturlands

Landsréttur féllst á varakröfu Gunnlaugs fyrrum sveitarstjóra