medium

large

thumbnail

1536x1536

2048x2048

small

custom-size

Búast má við sprenginum við Borgarbrautina

Jafntefli hjá Reyni og Stokkseyri

Káramenn styrktu enn stöðu sína á toppi deildarinnar

Skallagrímur sótti ekki skig til Eyja

Hoppað í sjóinn veður í Hólminum

Víkingur vann toppslaginn

core/paragraph

Kylfingurinn Bjarki Pétursson úr Borgarnesi, sem nú spilar með GKG, og Guðmundur Ágúst Kristjánsson GKG hefja í dag leik á lokaúrtökumótinu fyrir DP Evrópumótaröðina, sem er sterkasta atvinnumannamótaröðin í Evrópu. Þeir Bjarki og Guðmundur Ágúst voru báðir sáttir með frammistöðuna á 2. stigi úrtökumótanna fyrir DP Evrópumótaröðina. „Slátturinn var mjög stöðugur og góður og vinnan sem við Arnar Már erum búnir að leggja inn þar er að skila sér. Ég hinsvegar púttaði ekki vel (á 2. stiginu). Það verður mikilvægt að vera heitur á pútternum í lokamótinu,“ sagði Bjarki í stuttu spjalli við kylfing.is eftir keppnina um síðustu helgi.

Tuttugu efstu af 153 keppendum fá þátttökurétt á DP sem er fremsta mótaröðin í Evrópu. Um helmingur af þeim spilurum kemst á lokastigið í gegnum 2. stigið. Það gerðu þeir Bjarki og Guðmundur og eru að keppa annað sinn á þriðja stigi. Hinn helmingurinn eru kylfingar sem náðu ekki að halda keppnisrétti sínum á mótaröðinni 2022.

Leikið verður í sex daga sem fram fer á Infinitum golfsvæðnu sem er skammt frá Tarragonga á Spáni. Eftir fjóra hringi verður niðurskurður. Keppt er á tveimur völlum, sitt hvorar 36 holurnar á Lakes og Hills völlunum. Bjarki hefur leik á Lakes og Guðmundur á Hills.

Aðeins fimm íslenskir kylfingar hafa náð inn á lokaúrtökumót Evrópumótaraðarinnar. Birgir Leifur Hafþórsson lék 13 sinnum á lokaúrtökumótinu og er eini íslenski karlkylfingurinn sem hefur tryggt sér keppnisrétt á Evrópumótaröðinni en það gerði hann árið 2007. Björgvin Sigurbergsson lék á lokaúrtökumótinu árið 2001 og árið 2019 var Andri Þór Björnsson á lokaúrtökumótinu líkt og Bjarki og Guðmundur Ágúst nú.

Fréttaveita Vesturlands

Bjarki leikur í dag á lokaúrtökumóti