medium

thumbnail

small

custom-size

Dagur reykskynjarans er í dag

large

1536x1536

2048x2048

Búkolla flytur á nýjan stað á nýju ári

Snæfell aftur á sigurbraut eftir stórsigur á Tindastóli

Íþróttamaður ársins verðlaunaður og heiðursfélaganafnbót veitt á aðalfundi Borgfirðings

Skógræktarfélag Akraness 80 ára

Verð á almennum bréfasendingum hækkar á nýju ári

core/paragraph

Árgangamót ÍA í knattspyrnu verður á morgun í Akraneshöllinni eftir þriggja ára hlé en mótið hefur ekki verið haldið síðan 2019 vegna faraldursins. Húsið opnar klukkan 12.30 og hefst keppni klukkan 13. Þeir sem taka þátt er skipt í tvo aldurshópa, karlar og konur 30 ára og eldri keppa saman og síðan 40 ára og eldri en því fyrirkomulagi var breytt fyrir nokkrum árum að ósk þeirra sem voru í eldri kantinum.

Nýjung að þessu sinni er vítaspyrnukeppni sem hefst klukkan 14.30 og er öllum velkomið að taka spyrnu fyrir litlar 2500 krónur á vítabanann Dino Hodzic úr Kára en sigurvegari keppninnar fær veglegan vinning. Allir eru velkomnir í höllina til að horfa og hvetja liðin áfram. Þá verður sjúkrabifreið til taks á staðnum enda mjög líklegt að einhverjir eigi eftir að verða fyrir skakkaföllum þar sem menn eru í misgóðu formi og yfirleitt ekki í eins góðu formi og þeir sjálfir halda.

Að sögn Sigurðar Más Sigmarssonar sjúkraflutningamanns hefur þetta verið annasamasti dagurinn hjá þeim síðustu tíu árin og tvöföld og jafnvel þreföld vakt verður þennan dag til að sinna tognunum, slitum og öðrum meiðslum ásamt öllum þeim andlegu áföllum sem herja á keppendur. Að sögn Sigurðar eru það aðallega karlmenn sem þurfa áfallahjálp á mótinu enda alltaf ákveðin krafa um sigur og sumir þeirra sem þola ekki það álag og þá hörku sem fylgir svona keppni. Ráðleggur Sigurður leikmönnum að stilla væntingum í hóf, njóta leiksins og minnir á að sigur er ekki allt heldur samveran með félögunum og að njóta. Að lokum má geta þess að Sigurður er ekki menntaður sálfræðingur en er alltaf tilbúinn að hlusta, gefa góð ráð og knúsa enda með hlýjan faðm og gott hjarta.

Um kvöldið geta menn og konur eldri en 25 ára sleppt úr klaufunum á Gamla Kaupfélaginu en uppselt er í matinn og geta þeir sem vilja komið eftir klukkan 22 og tekið þátt í gleðinni.

Fréttaveita Vesturlands

Árgangamót ÍA í Akraneshöllinni