medium

large

thumbnail

small

custom-size

Hróshringur Snæfellsness farinn í gang

1536x1536

2048x2048

Bækur og spil eru jólagjöf ársins

Pólverjar nú 6% landsmanna

Um jólaúthlutun Mæðrastyrksnefndar Akraness

Dýralækni vantar í Dölum og á Ströndum

Tæplega 90 doktorar brautskráðir frá HÍ á árinu

core/freeform

Laugardaginn 12. nóvember nk. munu Lionsklúbbur Akraness og Félag sykursjúkra bjóða fólki upp á fría blóðsykursmælingu á Akranesi. Mælingin fer fram í verslanamiðstöðinni að Smiðjuvöllum 32 (við Bónus) á laugardaginn milli klukkan 14.00 og 16.00. Apótek Vesturlands styrkir félögin og leggur til mælingarbúnað.

Sykursýki (diabetes mellitus) er efnaskiptasjúkdómur sem einkennist af of háum blóðsykri, sem stafar annað hvort af of litlu magni insúlíns í blóði eða af óeðlilegri virkni insúlíns ásamt því að magn þess sé of lítið.  Algengustu einkennin eru þorsti, tíð þvaglát og sjóntruflanir. Tegund tvö af sykursýki fyrirfinnst í flestum tilfellum í eldra fólki, en er þó farin að finnast í yngri kynslóðum með hækkandi tíðni offitu í heiminum. Meðferð við sykursýki af tegund tvö er í byrjun oftast breytt mataræði og góð líkamleg hreyfing, en þegar sjúkdómurinn er kominn lengra getur lyfjagjöf verið nauðsynleg.

Fólk er hvatt til að nýta þetta boð og þiggja fría mælingu á blóðsykrinum.

Bjóða upp á fría blóðsykursmælingu á Akranesi á laugardaginn