medium

thumbnail

small

custom-size

Dagur reykskynjarans er í dag

large

1536x1536

2048x2048

Búkolla flytur á nýjan stað á nýju ári

Snæfell aftur á sigurbraut eftir stórsigur á Tindastóli

Íþróttamaður ársins verðlaunaður og heiðursfélaganafnbót veitt á aðalfundi Borgfirðings

Skógræktarfélag Akraness 80 ára

Verð á almennum bréfasendingum hækkar á nýju ári

core/paragraph

Nemendur, kennarar og aðrir gestir fjölmenntu í sal Fjölbrautaskóla Vesturlands á Akranesi í morgun þar sem Eva Björg Ægisdóttir metsöluhöfundur hélt erindi. Þar sagði hún frá reynslu sinni af því að skrifa bækur og hvernig hún endaði á þeim stað að verða rithöfundur og geta unnið við það eitt.

„Ég hélt að maður gæti ekki skrifað bók nema vera búin að ákveða alveg hvernig bókin yrði frá upphafi til enda. Ég var í raun bara með eina hugmynd, að fyrstu bókinni minni, og það var að lík fyndist við vitann á Akranesi. Og svo vatt sú hugmynd upp á sig og úr varð Marrið í stiganum,” sagði Eva í erindi sínu og benti á að bækur séu oft mjög langar, um 300 bls. og engin leið sé, fyrir hana, að hafa svo margar síður í kollinum í einu.

Eva er fædd og uppalin á Akranesi, gekk í Grundaskóla og Brekkubæjarskóla og útskrifaðist sem stúdent úr Fjölbrautaskóla Vesturlands. Hún segist skrifa um Akranes því það er það bæjarfélag sem hún þekkir best, og er í raun enn hennar heimabær þótt hún búi núna í Vesturbæ Reykjavíkur. „Mér finnst líka svona lítil samfélög, eins og Akranes, skemmtilegri heldur en þau stóru. Og þegar að upp koma erfið mál eins og alvarlegir glæpir í litlu samfélagi þá eru nær allar líkur á því að lögreglan þar þekki einhvern sem kemur að því máli með einhverjum hætti,“ sagði Eva en hennar bækur snúast líklega minnst um glæpinn sjálfan sem er framin. „Ég hef ekki sérstakan áhuga á glæpnum sjálfum heldur er það saga samfélagsins sem bækurnar mínar snúast um þótt þær séu glæpasögur. Ég er þeirrar skoðunar að eitthvað hljóti að hafa brugðist í samfélagslegum aðstæðum einstaklings þegar hann ákveður á brjóta af sér, hvort sem það er eitthvað sem gerðist í uppeldi einstaklingsins eða nýlega,“ sagði Eva í erindi sínu.

core/image

Fréttaveita Vesturlands

Eva Björg Ægisdóttir heimsótti FVA