medium

large

thumbnail

1536x1536

2048x2048

small

custom-size

Yngstu og elstu spilararnir á toppnum

Tónlistarskóli Borgarfjarðar sýnir atriði úr Skilaboðaskjóðunni

Akranesdeild RKÍ blæs lífi í vinaverkefnið

Skagamenn töpuðu fyrir Sindra

Séra Hildur Björk sett í embætti

Fimmta tap Skallagríms í röð

core/paragraph

<p>Skammhlaup 2022 í Fjölbrautaskóla Vesturlands á Akranesi fór fram í gær. Það var nú haldið í annað sinn á þessu ári en því hafði áður verið frestað síðustu tvö ár vegna faraldursins. Skammhlaupið var fyrst haldið árið 1999 og megintilgangurinn alltaf verið sá að brjóta upp kennsluna í skólanum og hafa smá fjör og gaman í bland við fíflagang. Alls kepptu í ár sex lið nemenda sem var skipt upp eftir litum og voru um 50 manns í hverju liði.</p>

<p>Fjörið hófst rétt fyrir hádegi með pylsuveislu og síðan var skrúðganga nemenda í lögreglufylgd frá skólanum niður í íþróttahúsið við Vesturgötu þar sem keppnin hófst.  Þar var keppt í ullarsokkaboðhlaupi, þrautabraut, stígvélasparki, limbó og reiptogi. Að því loknu var farið aftur upp í skóla þar sem alls kyns þrautir voru lagðar fyrir liðin og lauk keppninni á sal þar sem þau tóku þátt í planki, að verpa eggjum, „silly walk“ og örleikriti. Sigurvegarar dagsins voru bláa liðið og um kvöldið var svo ball á Gamla Kaupfélaginu til að ljúka Skammhlaupinu með stæl. Blaðamaður Skessuhorns fylgdist með deginum og myndasyrpa verður frá honum í næsta Skessuhorni.</p>

Fjör á Skammhlaupi í FVA