Við afhendingu verðlaunanna á Bessastöðum. Lengst til hægri er Bragi Þór Svavarsson skólameistari Menntaskóla Borgarfjarðar og við hlið hans er Hilmar Már Arason skólastjóri Grunnskóla Snæfellsbæjar með verðlaun skólans fyrir framúrskarandi þróunarverkefni á sviði átthagafræði.
MB fær viðurkenningu fyrir framsækna endurskoðun námskrár
Upplýst var í kvöld að Menntaskóli Borgarfjarðar í Borgarnesi hlaut hvatningarverðlaun Íslensku menntaverðlaunanna fyrir framsækna endurskoðun á námskrá skólans. Það var Gerður Kristný rithöfundur sem afhenti fulltrúum skólans verðlaunin við hátíðlega athöfn á Bessastöðum í gær. Með Braga Þór Svavarssyni skólameistara voru í för þau Lilja S. Ólafsdóttir aðstoðarskólameistari, Signý Óskarsdóttir verkefnastjóri skólaþróunar, Helgi Haukur Hauksson formaður stjórnar Menntaskóla Borgarfjarðar og Vilhjálmur Ingi Ríkharðsson formaður nemendaráðs MB.