{
  "name": "core/freeform",
  "attributes": [],
  "saveContent": "<p>Í sumar var hafist handa við að koma á þriggja fasa rafmagni á hluta Fellsstrandar í Dalabyggð, frá Skerðingsstöðum að Lyngbrekku. Rarik hefur plægt niður 42 km háspennustreng og er tengivinna í gangi en þetta er eitt af þeim flýtiverkefnum sem styrkt er af ríkisstjórninni vegna þrífösunar. Hins vegar er svo komið að töf er á því að hægt sé að spennusetja kapalinn. „Vegna Covid og stríðsins í Úkraínu er töluverð seinkun á spennistöðvum til okkar frá framleiðanda,“ segir Björn Sverrisson deildarstjóri hjá Rarik í samtali við Skessuhorn. „Við eigum von á sendingu eftir um það bil mánuð en ég veit ekki hve mikið er í þeirri sendingu. Í þetta verk vantar okkur 24 spenna,“ segir Björn. Hann segir jafnframt að Rarik muni halda tengivinnu áfram og spennusetja í áföngum í áttina að Lyngbrekku eftir því sem spennar berast. Rarik vinnur nú að því að endurnýja dreifikerfi víða um land og koma þriggja fasa rafmagni til notenda. Næsta verk þeirra í Dölum er að leggja streng frá Álfheimum að Gunnarsstöðum á Skógarströnd, en það er einnig flýtiverkefni.</p>",
  "innerBlocks": []
}