{
  "name": "core/freeform",
  "attributes": [],
  "saveContent": "Matthías Margrétarson er ungur myndlistamaður sem heldur nú sýningu með verkum sínum á Bókasafninu í Borgarnesi. Matti eins og hann er yfirleitt kallaður bjó í Borgarnesi á sínum yngri árum en hann býr nú og starfar í Röros í Noregi. Matti starfar við leirgerð ásamt því að teikna tölvugerðar myndir og mála olíumálverk sem nú eru til sýnis á bókasafninu.\r\n\r\n<strong>Býr til bolla og teiknar myndir\r\n</strong>Matti vinnur í leirvinnslubúð þar sem hann lærir að renna leir og búa til bolla sem hann setur myndir sínar á. Verkin sem hann sýnir núna á bókasafninu teiknar hann svo í frítíma sínum. ,,Myndirnar mínar eru tölvugerðar, ég vinn með penna á teiknibretti og skjá og það tók sinn tíma að æfa sig á þettta. Það tók um eitt til tvö ár að ná færni sem ég var ánægður með. Þetta er aðallega sjálflært, ég horfi kannski á myndbönd til að læra en það er ekki til neinn listaskóli sem kennir kannski nákvæmlega svona teikningu. Þetta er endalaus æfing, í byrjun gerði ég kannski eitt verk á viku en núna get ég gert eitt á tveimur dögum og þá með betri tækni. Svo mála ég líka olíumálverk en það er erfiðara að flytja þær myndir til Íslands vegna þess hvað þær taka mikið pláss í flutningi. Tölvumyndirnar get á bara prentað út hérna heima. Ég vinn svo við leirvinnu núna og bý til bolla, ég vinn sem sagt í leirvinnslubúð þar sem eigandinn kennir mér að renna leirinn. Þannig að teikningarnar eru svona meira til gamans,“ segir Matti.\r\n\r\n[caption id=\"attachment_57468\" align=\"alignnone\" width=\"600\"]<img class=\"wp-image-57468 size-medium\" src=\"https://skessuhorn.is/wp-content/uploads/2022/10/Heldur-myndlistasyningu-a-Bokasafninu-i-Borgarnesi_2-600x294.jpg\" alt=\"\" width=\"600\" height=\"294\" /> Myndlistasýning Matta verður uppi fram á nýtt ár. Ljósm. sþ.[/caption]\r\n\r\n<strong>Teiknaði mikið í COVID</strong>\r\nMatti skapar með myndum sínum ákveðin heim og eru allskyns verur helstu viðfangsefni myndanna. ,,Ég bjó í Borgarnesi upp að 5 ára aldri svo fluttum við til Reykjavíkur. Ég var svo ellefu ára þegar við fluttum til Noregs. Núna bý ég í Röros sem er sirka í miðjunni á Noregi og það er mjög fínt. Að teikna er svona helsta áhugamálið en ég hef enga ákveðna framtíðarsýn með þetta, það gerist sem gerist. Flestar myndirnar á sýningunni eru frá árinu 2020 en þá teiknaði maður náttúrulega svo mikið vegna COVID. Myndirnar mínar endurspegla ákveðinn heim sem ég er að búa til þannig það er mikið af allskyns ævintýraverum á myndunum mínum,“ segir Matti.\r\n\r\n<strong>Hélt fyrstu sýninguna ellefu ára</strong>\r\nMatti tók örfá olíumálverk með sér til Íslands sem erfitt er þó að flytja milli landa. ,,Þetta er fyrsta sýningin með þessum myndum, ég hélt eina sýningu hérna í Borgarnesi þegar ég var ellefu ára en það var nú bara gamalt krot. Nú er ég með aðeins fínni myndir og ég er með mikið magn af myndum núna. Ég fer að líta inn í það kannski núna að halda sýningar í Noregi og þá get ég kannski sýnt fleiri olíumálverk. Ég held ég sýni olíumálverkin ekki hérna heima nema ég flytji til Íslands og nái að mála þau hérna heima. Ég kom með nokkur olíumálverk með mér til Íslands núna en ég sérsmíðaði kassa utan um þau og það var svolítið dýrt að flytja þau, en mér þætti mjög gaman að sýna þau í Noregi. Sýningin hér verður uppi þangað til um miðjan janúar svo hún verður uppi í góða stund og allir sem vilja ættu að hafa tækifæri til að koma og skoða,“ segir Matti að lokum.\r\n\r\n&nbsp;\r\n\r\n<em>Hér má sjá viðtal við Matta:</em>\r\n\r\nhttps://www.youtube.com/watch?v=E5au2dgH8PM",
  "innerBlocks": []
}