{
  "name": "core/freeform",
  "attributes": [],
  "saveContent": "Stjórn knattspyrnudeildar Víkings Ólafsvíkur tilkynnti á FB síðu sinni í hádeginu að félagið hafi ráðið Brynjar Kristmundsson sem nýjan meistaraflokksþjálfara félagsins. Samningur Brynjars er til tveggja ára.\r\n\r\nFram kemur á síðunni að undanfarin þrjú tímabil hafi Brynjar starfað sem aðstoðarþjálfari félagsins og var hann fyrsti kostur félagsins þegar kom að því að ráða nýjan þjálfara. Sjálfur kveðst Brynjar spenntur fyrir þessari nýju áskorun. „Starfið leggst mjög vel í mig. Félagið hefur verið risastór partur af mínu lífi og er ég virkilega stoltur að vera kominn í þetta starf,” sagði Brynjar við undirskriftina og bætir við að hann hafi sótt mikla reynslu hjá forvera sínum, Guðjóni Þórðarsyni. „Ég hef fengið frábæran skóla undanfarin ár og að hafa starfað með manni eins og Guðjóni hefur verið mjög dýrmæt reynsla fyrir mig.“\r\n\r\nBrynjar, sem er 30 ára gamall, þarf ekki að kynna fyrir stuðningsmönnum félagsins enda er hann uppalinn á Snæfellsnesi og lék sína fyrstu meistaraflokksleiki með Víkingi árið 2008, aðeins 16 ára gamall. Auk þess að spila með Víkingi Ó. lék hann einnig með Val, Fram, Gróttu, Þrótti Vogum og nú síðast Reyni Hellissandi. Alls urðu meistaraflokksleikirnir 267 í deild og bikar.",
  "innerBlocks": []
}