medium

large

thumbnail

1536x1536

small

custom-size

Jakob Svavar og Kristín Eir efst í forkeppni fyrsta dags

2048x2048

Tjaldfylli á fyrstu tónleikum Írskra daga

Yfir tvö tonn af ufsa auk dagsskammts af þorski

Leirbakaríið opnað á nýjum stað á Akranesi

Fiskistofa með eftirlit úr lofti í júlí

Ný tilskipun ESB gæti aukið kostnað sveitarfélaga um 49 til 81milljarð

core/freeform

Styrktartónleikar fyrir Minningarsjóð Heimis Klemenzsonar verða haldnir í Reykholtskirkju í Borgarfirði laugardaginn 8. október klukkan 15. Fyrsta og eina úthlutun sjóðsins fór fram í desember 2020 og voru það þær Anna Þórhildur Gunnarsdóttir píanóleikari, Hanna Ágústa Olgeirsdóttir söngkona og Steinunn Þorvaldsdóttir söngkona sem hlutu þá styrk úr sjóðnum. Standa þær nú fyrir fyrirhuguðum styrktartónleikum en á dagskrá verða íslensk og erlend ljóð ásamt aríum. Einnig mun Steinunn standa fyrir flutningi á frumsömdu efni en hún hefur verið að semja tónlist við borgfirsk ljóð á liðnum misserum sem flutt verða á tónleikunum.

Anna Þórhildur er píanóleikari og er nýflutt heim frá Maastricht í Hollandi þar sem hún lauk meistaragráðu í klassískum píanóleik fyrr á árinu. Hanna Ágústa er einnig nýflutt til Íslands frá Leipzig í Þýskalandi þar sem hún lauk bakkalárgráðu í klassískum söng en síðastliðið vor fjallaði Skessuhorn um sigur hennar í keppninni Ungir einleikarar á vegum Sinfóníuhljómsveitar Íslands. Steinunn stundaði nám við Listaháskóla Íslands og Konunglega tónlistarháskólann í Stokkhólmi þar sem hún lærði klassískan söng með tónsmíðar sem aukafag. Allar stunduðu þær nám við Tónlistarskóla Borgarfjarðar á yngri árum og hafa í gegnum tíðina verið duglegar að búa sér til verkefni saman.

Styrktartónleikar fyrir Minningarsjóð Heimis Klemenzsonar í Reykholtskirkju