{
  "name": "core/freeform",
  "attributes": [],
  "saveContent": "Til stendur að breyta fyrirkomulagi á sorptunnum og flokkun á heimilum á Akranesi. Samkvæmt lögum sem taka gildi um næstkomandi áramót þá verður skylt að flokka sorp á heimilum í sex flokka sem eru: Málmar, gler, plast, pappi/pappír, lífrænt og blandað sorp.\r\n\r\nFram kemur á heimasíðu Akraneskaupstaðar að við þá breytingu mun fyrirkomulag sorpíláta breytast til að mæta þeim kröfum. Er þeim sem íhuga byggingu skýla fyrir sorpílát við heimili sín bent á að best væri að fresta þeirri framkvæmd þar til fyrir liggur hvernig sorphirðumálum verður háttað eftir að nýjar flokkunarreglur hafa tekið gildi.\r\n\r\nMálmum og gleri verður hægt að skila af sér á grenndarstöðvum sem er verið að útfæra og finna staðsetningar fyrir. Plast, pappi/pappír, blandað sorp og lífrænt verður safnað í sorpílát við hvert heimili og er verið að útfæra þá lausn.",
  "innerBlocks": []
}