{
  "name": "core/freeform",
  "attributes": [],
  "saveContent": "Á fundi hreppsnefndar Skorradalshrepps 22. september síðastliðinn voru m.a. til afgreiðslu fundargerðir skipulags- og byggingarnefndar hreppsins frá því fyrr í sumar. Í fundargerð nefndarinnar frá 22. ágúst var fjallað sérstaklega um meintar óleyfisframkvæmdir Skógræktarinnar á jörðunum Stóru-Drageyri og Bakkakoti á svæði þar sem aðalskipuleg gerir ekki ráð fyrir að skógrækt sé stunduð.\r\n\r\nHreppsnefnd lét eins og kunnugt er í byrjun júní í sumar stöðva framkvæmdir á vegum Skógræktarinnar á þessum jörðum þar sem annars vegar var um að ræða óleyfisframkvæmd í hlíðum Dragafells í landi Stóru Drageyrar og hins vegar varðandi gróðursetningu skógarplantna í landi Bakkakots. Sveitarstjórn staðfesti í síðustu viku ákvörðun skipulags- og byggingarnefndar þess efnis að fela lögmanni sínum að leggja fram kæru til lögreglu fyrir hönd sveitarfélagsins vegna óleyfisframkvæmda Skógræktarinnar í landi Bakkakots og Stóru Drageyrar. Það er gert á grundvelli ákvæða skipulagslaga og náttúruverndarlaga.",
  "innerBlocks": []
}