medium

large

thumbnail

1536x1536

2048x2048

small

custom-size

Borgfirðingabók komin á Storytel

Hvalfjörður – efnaverksmiðja í bígerð

Úrslit í stærðfræðikeppni grunnskólanna á Vesturlandi

Hljóðhönnuðurinn Gulli Gunnarsson vinnur til BAFTA verðlauna

Hafnarstjórinn sem hefði getað orðið prestur

„Að vera á sjó var eins og hver önnur vinna“

core/freeform

Síðustu fjögur ár hefur Ísland verið í tíunda neðsta sæti á lista yfir fjölda látinna í umferðinni. Listinn er tekinn saman af CARE, sem rekur samevrópskan umferðarslysagagnagrunn. Við útreikninga á þeim lista er tekið mið af meðaltali látinna í umferðinni í hverju landi á fimm ára tímabili. Nú þegar nýr listi CARE kom út með upplýsingum um umferðarslys á árunum 2017-2021 hefur Ísland færst niður um tvö sæti. Ísland er því í áttunda sæti yfir þau lönd sem standa sig best, þ.e. fæstir látnir á hverja 100.000 íbúa. Við útreikninga á lista CARE er miðað við fjölda íbúa í landinu en ekki er tekið tillit til fjölda ferðamanna.

<strong>Íslenskir ríkisborgarar tveir þriðju látinna</strong>
Skessuhorn fékk staðfest hjá Samgöngustofu að sjö manns hafi látist í umferðinni á Íslandi það sem af er ári 2022, þar af eru tveir erlendir ferðamenn og fimm íslenskir ríkisborgarar.
Sé horft til síðustu tíu ára á Íslandi eru 19% látinna í umferðinni erlendir ferðamenn en enginn ferðamaður dó í umferðinni hér á landi árin 2020 og 2021. Þá hefur það vísast til áhrif að heimsfaraldur geisaði síðustu tvö ár og því minna um ferðamenn en ella. Um 15% látinna í umferðinni á Íslandi síðustu tíu ár eru erlendir ríkisborgarar sem búsettir eru hér á landi. Það gerir að þriðjungur þeirra sem látist hafa í umferðarslysum hér á landi frá 2012-2021 eru ferðamenn og erlendir ríkisborgarar. Eftir stendur að tveir þriðjungar þeirra sem látist hafa eru íslenskir ríkisborgarar.

&nbsp;

[gallery columns="1" size="large" ids="56422"]

<strong>Markmið stjórnvalda að auka umferðaröryggi</strong>
Í nóvember 2019 kynntu stjórnvöld umferðaröryggisáætlun 2020-2034. Yfirmarkmið þeirrar áætlunar er tvíþætt: 1) Að Ísland verði í hópi fimm bestu Evrópuþjóða hvað varðar fjölda látinna í umferðinni á hverja 100.000 íbúa. 2) Að látnum og alvarlega slösuðum fækki að jafnaði um 5% á ári til ársins 2034. Þróunin er því í rétta átt fyrir Ísland til að ná fyrra markmiðinu því nú þegar hefur Ísland færst upp um tvö sæti og stendur í áttunda sæti. Seinna markmið stjórnvalda hefur ekki náðst undanfarin ár en sem dæmi voru alvarlega slasaðir 182 árið 2019, 149 árið 2020 og 199 árið 2021. Leitnin er þó í rétta átt þegar litið er til lengri tíma.

[gallery columns="1" size="large" ids="56424"]

Ísland framarlega yfir fá banaslys