{
  "name": "core/freeform",
  "attributes": [],
  "saveContent": "Grunnskólinn í Borgarnesi hefur gróðursett tré á vegum Yrkjusjóðsins allt frá árinu 1992, eða í þrjátíu ár. Fyrstu árin var gróðursett í skógræktargirðingu í landi Borgar og árið 2014 var þar gróðursett tíu þúsundasta tréð. Það kom að því að svæðið í landi Borgar var fullgróðursett. Haustið 2020 var fyrst gróðursett í nýtt svæði norðan við land Borgar og sunnan flugvallarins. Ákveðið var að gróðursetja að hausti í stað vors enda hentar það betur skólahaldi vegna anna sem oft eru á vorin.\r\n\r\nNemendur úr 4. og 9. bekk Grunnskólans í Borgarnesi gróðursettu í Yrkjuskóga 17. september síðastliðinn. Í þetta sinn var gróðursett fremur hávaxið birki sem reyndist vel vegna þess að gróðursetningarlandið er vel gróið háu grasi. Gróðursettar voru 200 plöntur. Við gróðursetninguna notuðu krakkarnir gróðursetningargeyspur sem þeir höfðu gaman af að læra að nota. Gróðursetningarhópurinn taldi 70 nemendur auk kennara og aðstoðarmanna. Hver nemandi gróðursetti því tvær eða þrjár plöntur. Verkefnið Yrkjuskógar er í Borgarnesi unnið í samráði við Skógræktarfélag Borgarfjarðar.",
  "innerBlocks": []
}