{
  "name": "core/freeform",
  "attributes": [],
  "saveContent": "Í gær undirritaði forsvarsfólk Menntaskóla Borgarfjarðar og Hjúkrunar- og dvalarheimilisins Brákarhlíðar í Borgarnesi viljayfirlýsingu um uppbyggingu sameiginlegs íbúðarhúsnæðis og nemendagarða í bænum. Verkefnið hefur verið í undirbúningi í nokkurn tíma og fram kemur í viljayfirlýsingunni að markmiðið sé annarsvegar að skapa nýtt framboð á almennum markaði í Borgarbyggð hvað varðar framboð íbúðarhúsnæðis fyrir 65 ára og eldri og hins vegar að byggja upp nemendagarða fyrir ungt fólk sem sækir nám í Menntaskóla Borgarfjarðar.\r\n\r\nBrákarhlíð á húseign á lóðinni Borgarbraut 63 í Borgarnesi sem fyrirhugað er að fjarlægja. Er lóðin hugsuð undir bygginguna og stofnað verður einkahlutafélag sem mun halda utan um verkefnið af hálfu sjálfseignarstofnunarinnar sem að Brákarhlíð stendur. Skipulagsvinna af hálfu Borgarbyggðar er á lokastigi. Með viljayfirlýsingunni staðfesta stofnanirnar tvær að í lok október næstkomandi verði komin mynd á samstarfsgrunn þeirra og þar með rammi utan um áframhaldandi uppbyggingaráform á Borgarbraut 63.\r\n\r\n[caption id=\"attachment_56136\" align=\"alignnone\" width=\"455\"]<img class=\"wp-image-56136 size-full\" src=\"https://skessuhorn.is/wp-content/uploads/2022/09/Brakarhlid-og-MB-stadfesta-samstarf-um-nybyggingu_1.jpg\" alt=\"\" width=\"455\" height=\"615\" /> Viljayfirlýsingin var staðfest af Sigrúnu Ólafsdóttur stjórnarformanni Brákarhlíðar og Braga Þór Svavarssyni skólameistara Menntaskóla Borgarfjarðar. Ljósm. MB[/caption]",
  "innerBlocks": []
}