{
  "name": "core/freeform",
  "attributes": [],
  "saveContent": "Tónlistarhátíðin BBC Proms fór fram í síðasta mánuði þar sem verkið Anchora var frumflutt 11. ágúst í Royal Albert Hall í London. Verkið er eftir tónskáldið Önnu Þorvaldsdóttur en Anna er eitt fremsta tónskáld Íslendinga og ólst hún upp í Borgarnesi. Verkið var sérstaklega pantað fyrir hátíðina sem er ein stærsta og virtasta tónlistarhátíð heims.\r\n\r\nÍ gærkvöldi fór fram íslenskur frumflutningur á verkinu á tónleikum Sinfóníuhljómsveitar Íslands en Eva Ollikainen, aðalstjórnandi Sinfóníuhljómsveitar Íslands, stjórnaði verkinu bæði hér heima og í Bretlandi. Anna segir verkið fanga hugmyndina um frumorku og andstæð öfl. Heyra mátti tónleikana í beinni útsendingu á Rás 1 í gærkvöldi en heimsfrægi píanóleikarinn Daniil Trifonov frá Rússlandi spilaði einnig á tónleikunum.",
  "innerBlocks": []
}